Bhagat Singh: భగత్ సింగ్లా నటించబోయి.. నిజంగానే ఉరేసుకున్నాడు..!
భారత స్వాతంత్ర్య దినోత్సవం సమీపిస్తున్న వేళ ఆ సందర్భాన్ని పురస్కరించుకొని చిన్నారులు చేస్తున్న నాటక ప్రదర్శన రిహార్సల్స్లో అపశ్రుతి చోటుచేసుకుంది. స్వాతంత్ర్య సమరయోధుడు భగత్ సింగ్కు
లఖ్నవూ: భారత స్వాతంత్ర్య దినోత్సవం సమీపిస్తున్న వేళ ఆ సందర్భాన్ని పురస్కరించుకొని చిన్నారులు చేస్తున్న నాటక ప్రదర్శన రిహార్సల్స్లో అపశ్రుతి చోటుచేసుకుంది. స్వాతంత్ర్య సమరయోధుడు భగత్ సింగ్కు సంబంధించిన నాటకంలో భాగంగా ఆయన్ను ఉరితీసే సన్నివేశాన్ని రిహార్సల్స్ చేస్తున్న పదేళ్ల బాలుడు ప్రమాదవశాత్తూ ఉరి బిగుసుకొని ప్రాణాలు కోల్పోయాడు. ఉత్తర్ప్రదేశ్లో గురువారం చోటు చేసుకున్న ఈ ఘటన ఆలస్యంగా వెలుగుచూసింది. పోలీసులు, స్థానికులు తెలిపిన వివరాల ప్రకారం.. కువర్గావ్ జిల్లాకు చెందిన భూరే సింగ్ కుమారుడు శివమ్ తన మిత్రులతో కలిసి భగత్ సింగ్ను ఉరితీసిన సన్నివేశాన్ని సాధన చేస్తున్నాడు. అందులో భాగంగా ఉరితాడును అతడి మెడకు వేసుకున్నాడు. అదే సమయంలో కాళ్ల కింద ఉన్న చిన్న పీట జారిపోయి పక్కకు పడిపోవడంతో ఆ ఉరితాడు బాలుడి మెడకు గట్టిగా బిగుసుకుపోయింది. దీంతో అక్కడున్న పిల్లలంతా కంగారుపడి కేకలు వేశారు. అది విని సమీపంలోని స్థానిక వ్యక్తి పరుగు పరుగున అక్కడికి వచ్చాడు. బాలుడి మెడకు బిగుసుకున్న తాడును కత్తిరించి అతడిని కిందికి దింపాడు. కానీ, అప్పటికే ఆ బాలుడు ప్రాణాలు కోల్పోయాడు.
అయితే ఈ ఘటనపై పోలీసులకు సమాచారం ఇవ్వకుండానే బాలుడి తల్లిదండ్రులు అతడికి వెంటనే అంత్యక్రియలు నిర్వహించారు. బాలుడి మరణంపై పోలీసులకు సమాచారం ఇచ్చేందుకు అతడి కుటుంబం సుముఖంగా లేదని ఎస్ఎస్పీ సంకల్ప్ శర్మ తెలిపారు. ఘటన చోటుచేసుకున్న గ్రామానికి పోలీసుల బృందాన్ని పంపి దర్యాప్తు చేస్తున్నట్లు ఆయన వివరించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
రంగనాథస్వామి దేవస్థాన ప్రధాన అర్చకుడు హఠాన్మరణం
-
యూసఫ్గూడలో రోడ్డు ప్రమాదం.. యువతిపై బస్సు ఎక్కడంతో మృతి
-
ఈ నగరంలో అడుగుపెట్టాలంటే.. టికెట్ కొనాల్సిందే!
-
నేడే తెలంగాణ ఇంటర్ ఫలితాలు.. రిజల్ట్స్ ఈనాడు.నెట్లో..
-
జీవితంలో ముందుకెళ్లాలంటే ధైర్యం ఉండాలి : ఐపీఎస్ ఆఫీసర్ పోస్ట్ వైరల్
-
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్