మెక్సికోలో ఘోర రోడ్డు ప్రమాదం.. 15 మంది సజీవ దహనం

ఇంటర్నెట్‌ డెస్క్‌: మెక్సికోలో ఘోర రోడ్డు ప్రమాదం చోటుచేసుకుంది. ఈ ఘటనలో 15 మంది సజీవ దహనమయ్యారు. మరో ఐదుగురు తీవ్రంగా గాయపడ్డారు. సెంట్రల్ మెక్సికోలోని రహదారిపై టోల్‌బూత్ వద్ద ఆపిన వాహనాలపైకి.. ఓ రవాణా ట్రక్కు దూసుకుపోయింది. ఈ ప్రమాదంలో మంటలు చెలరేగడంతో తొమ్మిది వాహనాలు పూర్తిగా దగ్ధమయ్యాయి. మంటల్లో చిక్కుకుని 15 మంది సజీవ దహనమయ్యారు. ట్రక్కు బ్రేకులు విఫలం కావడం వల్లే ఈ ప్రమాదం సంభవించినట్లు అధికారులు తెలిపారు.