కేరళలో పేలుడు.. ఇద్దరు కార్మికుల మృతి

ఎర్నాకులం: కేరళలోని ఎర్నాకులంలో ఓ క్వారీ వద్ద పేలుడు సంభవించింది. ఈ ఘటనలో ఇద్దరు కార్మికులు అక్కడికక్కడే మృతిచెందారు. క్వారీలో పేలుళ్లకు ఉపయోగించే సామగ్రిని ఓ భవనంలో భద్రపరచగా సోమవారం అందులో పేలుడు సంభవించింది. దీంతో అక్కడే ఉన్న ఇద్దరు కార్మికులు మరణించినట్లు పోలీసులు వెల్లడించారు. పేలుడుకుగల కారణాలు తెలియాల్సి ఉందన్నారు. మరణించిన ఇద్దరు కూడా వలస కార్మికులుగా పేర్కొన్నారు. ఒకరు తమిళనాడుకు చెందిన పెరియన్నన్‌ కాగా మరో వ్యక్తి కర్ణాటకకు చెందిన డి.నాగగా గుర్తించారు. తదుపరి దర్యాప్తు కొనసాగిస్తున్నారు.