crime news: బాణసంచా గోదాంలో పేలుడు.. ఏడుగురి మృతి

చెన్నై: తమిళనాడులోని కాంచీపురం జిల్లాలో బాణసంచా గోదాంలో భారీ పేలుడు సంభవించింది. కాంచీపురం సమీపంలోని కురువిమలై గ్రామంలోని గోదాంలో జరిగిన  ప్రమాదంలో ఏడుగురు కార్మికులు మృత్యువాతపడ్డారు. కనీసం తొమ్మిది మందికి పైగా గాయపడినట్టు పోలీసులు వెల్లడించారు. బాణసంచా తయారీతో పాటు స్టోరేజీ సౌలభ్యం ఉండే ఈ కేంద్రంలో జరిగిన ప్రమాదానికి సంబంధించి స్పష్టమైన కారణాలేమీ తెలియలేదని.. దర్యాప్తు చేస్తున్నట్టు పోలీసులు తెలిపారు. ఈ ప్రమాదంలో క్షతగాత్రులను ఆస్పత్రికి తరలించి చికిత్స అందిస్తున్నట్టు తెలిపారు. ఈ ఘటనపై కాంచీపురం కలెక్టర్‌ ఎం.ఆర్తి మాట్లాడుతూ.. సహాయక చర్యలు కొనసాగుతున్నాయన్నారు. ఈ అంశంపై పోలీసులు దర్యాప్తు చేస్తున్నట్టు ఆమె చెప్పారు.