అక్రమ మద్యం తరలిస్తూ పట్టుబడ్డ భాజపా నేత

గుంటూరు: అక్రమ మద్యం తరలిస్తూ ఏపీ భాజపా నేత ఒకరు పట్టుబడ్డారు. తెలంగాణలోని చిట్యాల నుంచి గుంటూరుకు మద్యాన్ని తరలిస్తున్న కేసులో గుడివాక రామాంజనేయులు అలియాస్‌ అంబిబాబును  స్పెషల్‌ ఎన్‌ఫోర్స్‌మెంట్‌ బ్యూరో (ఎస్‌ఈబీ) పోలీసులు అరెస్ట్‌ చేశారు. రూ.6లక్షలు విలువైన 1,920 మద్యం సీసాలు, 3 కార్లు స్వాధీనం చేసుకున్నారు. గుడివాక రామాంజనేయులు సహా మచ్చా సురేశ్‌, కె. నరేశ్‌, గంటా హరీశ్‌ను అరెస్ట్‌ చేశారు. రామాంజనేయయులను ఏ-1గా పేర్కొన్నారు. గుంటూరు ఏఈఎస్‌ చంద్రశేఖర్‌ రెడ్డి ఆధ్వర్యంలో ఈ దాడులు నిర్వహించారు. 2019లో మచిలీపట్నం భాజపా ఎంపీ అభ్యర్థిగా రామాంజనేయులు పోటీ చేశారు.

భాజపా నుంచి సస్పెండ్‌
మద్యం అక్రమ రవాణా కేసులో పట్టుబడిన అంజిబాబు ఆ పార్టీ చర్యలు తీసుకుంది. పార్టీ నుంచి సస్పెండ్‌ చేస్తున్నట్లు ఏపీ భాజపా అధ్యక్షుడు సోము వీర్రాజు ప్రకటించారు.