Published : 29 Dec 2020 01:23 IST

ఆన్‌లైన్‌లో పిల్లల అశ్లీల వీడియోలు 

41 మంది అరెస్టు

తిరువనంతపురం: పిల్లల అశ్లీల వీడియోలు, చిత్రాలు ఆన్‌లైన్‌లో ప్రసారం చేసిన ఆరోపణలపై ఓ వైద్యుడు, ఐటీ నిపుణుడు సహా మొత్తం 41 మందిని కేరళ పోలీసులు అరెస్టు చేశారు. రాష్ట్రంలో ఇటీవల పిల్లలపై లైంగిక నేరాలు పెరిగాయన్న ఫిర్యాదుల నేపథ్యంలో ఆ రాష్ట్ర సైబర్ సెల్ నిఘాను కట్టుదిట్టం చేసింది. అందులో భాగంగా ‘ఆపరేషన్‌ పీ హింట్‌’ పేరుతో ప్రత్యేక కార్యక్రమం చేపట్టింది. ఈ నేపథ్యంలో కేరళ అంతటా 46 చోట్ల దాడులు నిర్వహించి 339 కేసులు నమోదు చేశారు. వాట్సాప్‌లో పిల్లల అశ్లీల చిత్రాలను పంచుకున్నారనే ఆరోపణలతో ఆషికీ (30)అనే వ్యక్తిని త్రిస్సూర్‌ పోలీసులు మొదట అదుపులోకి తీసుకున్నారు. ఇతనిచ్చిన సమాచారంతో అదే జిల్లాలోని వడక్కెకాడ్‌కు చెందిన ఇక్బాల్ అనే మరో వ్యక్తిని అరెస్టు చేశారు. వీరితోపాటు పత్తనంథిట్టం జిల్లాకు చెందిన ఓ వైద్యుడు, త్రిస్సూర్‌ జిల్లాకు చెందిన ఓ ఐటీ నిపుణుడిని అదుపులోకి తీసుకున్నారు. వీరంతా వాట్సాప్‌ గ్రూప్‌లు, ఇతర ఆన్‌లైన్‌ నెట్‌వర్క్‌ల సాయంతో చిన్నారుల అశ్లీల చిత్రాలు ప్రచారం చేయడం, చూడటం, పంపిణీ చేయడం, నిల్వ చేయడం వంటివి చేస్తున్నారని పోలీసులు గుర్తించారు. కాగా.. గత రెండేళ్లలో నిర్వహించిన దాడుల్లో 525 కేసులు నమోదు చేయడంతోపాటు 428 మందిని అరెస్టు చేసినట్లు ఆ రాష్ట్ర అదనపు డీజీపీ మనోజ్ అబ్రహం తెలిపారు.

Read latest Crime News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts