అమెరికాలో భారతీయ నర్స్‌ దారుణ హత్య!

భర్తను అరెస్టు చేసిన పోలీసులు

మియామీ: కేరళకు చెందిన ఓ నర్స్‌ అమెరికాలో దారుణ హత్యకు గురయ్యింది. కొట్టాయంకు చెందిన మెరీన్‌ జాయ్‌(26)తన భర్తతో కలిసి ఫ్లోరిడాలో నివసిస్తోంది. అక్కడే ఉన్న ఆసుపత్రిలో మెరీన్‌ నర్సుగా సేవలందిస్తోంది. అయితే, గత కొంతకాలంగా భార్యాభర్తల మధ్య గొడవలు జరుగుతున్నట్లు సమాచారం. మంగళవారం ఉదయం మెరీన్‌ తన విధులను ముగించుకొని ఆసుపత్రి నుంచి ఇంటికి బయలుదేరింది. అదే సమయంలో పార్కింగ్‌ స్థలంలో వేచివున్న ఆమె భర్త ఫిలిప్‌ మ్యాథ్యూ కత్తితో  విచక్షణారహితంగా దాడి చేశాడు. దీంతో తీవ్రగాయాలైన మెరీన్‌ను ఆసుపత్రికి తరలించారు. చికిత్స పొందుతూ ఆమె మరణించినట్లు  పోలీసులు వెల్లడించారు. దాడికి పాల్పడ్డ ఫిలిప్‌ మ్యాథ్యూను పోలీసులు అరెస్టు చేశారు. అతనిపై కేసు నమోదుచేసి విచారణ జరుపుతున్నారు.