పెళ్లి వ్యాను బోల్తా.. 16మందికి గాయాలు

కొల్లాపూర్‌ టౌన్‌: నాగర్‌కర్నూల్‌ జిల్లాలో డీసీఎం వ్యాను బోల్తాపడింది. కొల్లాపూర్‌ మండలం రామాపురం వద్ద పెళ్లి బృందంతో వెళ్తున్న వాహనం బోల్తా పడటంతో 16 మందికి గాయాలయ్యాయి. ఘటన జరిగిన సమయంలో డీసీఎం వాహనంలో 65 మంది ఉన్నట్టు సమాచారం. వేగంగా వెళ్తున్న వాహనం రామాపురం గ్రామం సమీపంలో మూల మలుపు వద్ద అదుపు తప్పి బోల్తా పడింది. క్షతగాత్రులను కొల్లాపూర్‌ ప్రభుత్వాసుపత్రికి తరలించి చికిత్స అందిస్తున్నారు. అందరూ స్వల్ప గాయాలతోనే బయటపడటంతో పెద్ద ప్రమాదమే తప్పింది. ఈ ఘటనలో పెళ్లి కుమారుడు రాజు సురక్షితంగా బయటపడ్డాడు. రేపు ఉదయం కొల్లాపూర్‌ మండలం ఎల్లూరులో రాజు వివాహం జరగనునన నేపథ్యంలో ఈ విషాదం చోటుచేసుకుంది. బాధితులంతా గద్వాల మండలం జమ్మిచెడుకు చెందినవారిగా గుర్తించారు.