స్తంభం కూలి మీద పడింది.. వైరల్‌ వీడియో

భరత్‌పూర్‌ (రాజస్థాన్‌): మార్కెట్‌లో నడుస్తున్న వ్యక్తిపై నిర్మాణంలో ఉన్న ఓ స్తంభం విరిగి పడిన సంఘటన రాజస్థాన్‌లో చోటుచేసుకుంది. ఈ షాకింగ్‌ ఘటనకు సంబంధించిన వీడియో నెట్టింట్లో వైరల్‌గా మారింది. ఈ క్రమంలో ఓ వ్యక్తి తీవ్రంగా గాయపడగా.. అతని పక్కనే నడుస్తున్న మరో వ్యక్తి తృటిలో తప్పించుకున్నాడు. వివరాలు ఇలాఉన్నాయి.

భరత్‌పూర్‌లోని సరాఫా మార్కెట్‌ ప్రాంతంలో ఓ దుకాణం వద్ద నిర్మాణ పనులు జరుగుతున్నాయి. దీనిలో భాగంగా మూడో అంతస్తులో నిర్మాణంలో ఉన్న ఓ స్తంభం అమాంతం విరిగి.. ఆ సమయంలో అటుగా వెళ్తున్న ఇద్దరు వ్యక్తుల్లో ఒకరిపై పడిపోయింది. దీనితో తీవ్రంగా గాయపడ్డ ఆ వ్యక్తిని చికిత్స కోసం ఆస్పత్రికి తరలించినట్టు పోలీసులు తెలిపారు. కేసు నమోదు చేసి విచారణ జరుపుతున్నట్టు వారు తెలిపారు.

ఇవీ చూడండి..

అమ్మ నన్ను కొరికింది బాబోయ్‌!

కరోనా టీకా.. నొప్పే లేదు!