భర్త కళ్లముందే సామూహిక అత్యాచారం!

రాంచీ: ఝార్ఖండ్‌లోని దుమ్కా జిల్లాలో దారుణం చోటుచేసుకుంది. భర్త కళ్ల ముందే ఓ మహిళపై 17 మంది అత్యాచారానికి పాల్పడటం కలకలం సృష్టించింది. ఈ అమానవీయ సంఘటన ముఫాసిల్‌ పోలీస్‌ స్టేషన్‌ పరిధిలో మంగళవారం చోటుచేసుకుంది. ఈ ఘటనపై పోలీసులు బుధవారం ఎఫ్‌ఐఆర్‌ నమోదు చేశారు.  పోలీసులు తెలిపిన వివరాల ప్రకారం.. మంగళవారం ఓ మహిళ తన భర్తతో కలిసి బయటికెళ్లి పని ముగిశాక ఇంటికి తిరుగు పయనమైంది. ఈ క్రమంలో కొందరు గుర్తు తెలియని దుండగులు మార్గమధ్యంలో వారిని అడ్డుకున్నారు. అనంతరం వారు ఆమె భర్తపై దాడి చేసి.. అతడి కళ్లముందే మహిళపై సామూహిక అత్యాచారానికి పాల్పడ్డారు. ఈ నేరం గురించి సమాచారం తెలుసుకున్న వెంటనే పోలీసు ఉన్నతాధికారులు స్టేషన్‌కు చేరుకున్నారు. నిందితులను అరెస్టు చేయడానికి గాలింపు ప్రారంభించారు. బాధిత మహిళను వైద్య పరీక్షల నిమిత్తం ఆస్పత్రికి తరలించినట్లు పోలీసులు తెలిపారు.

ఇదీ చదవండి

ఆహారం ముట్టుకున్నాడని దారుణ హత్య