viral video: కదులుతున్న రైలు నుంచి కిందకు పడిన మహిళ... రక్షించిన పోలీసు

ముంబయి: కదులుతున్న రైలులో నుంచి ఒక మహిళ కిందకు పడిపోవడంతో అక్కడే ఉన్న హోంగార్డు  ఆమెను రక్షించిన ఘటన మహారాష్ట్రలో జరిగింది. ముంబయిలోని జోగిశ్వరి రైల్వే స్టేషన్‌లో జరిగిన ఈ ఘటనకు సంబంధించిన  వీడియో  ఆన్‌లైన్‌లో వైరల్‌గా మారింది.  కదులుతున్న రైలు ఎక్కిన మహిళ బోగీ హ్యండల్‌ పట్టుకుని బ్యాలెన్స్‌ చేసుకోడానికి ప్రయత్నించారు.  అయితే కాలు జారిపోవడంతో రైలుకు ప్లాట్‌ ఫారంకు మధ్య పడిపోయారు.  అక్కడే ఉన్న హోంగార్డు  అల్తాఫ్‌ ఆమెను రక్షించారు. సకాలంలో పోలీసు చేసిన సాయాన్ని అక్కడి వారు ప్రశంసించారు. పోలీసుకు రివార్డు ఇవ్వనున్నట్టు పోలీసు కమిషనర్‌ ప్రకటించారు.