Road Accident: మధ్యప్రదేశ్‌లో అమానవీయం.. రోడ్డు ప్రమాదాన్ని చూసినా పట్టించుకోలేదు!

భోపాల్‌: మధ్యప్రదేశ్‌లో అమానవీయ ఘటన జరిగింది. అలీరాజ్‌పూర్‌లో ఆదివారం రాత్రి ఓ యువకుడు రోడ్డు ప్రమాదానికి గురయ్యాడు. ఈ ఘటనను కొందరు స్థానికులు చూసి కూడా పట్టించుకోకపోవడంతో .. అతడు ప్రాణాలు కోల్పోయాడు. కారుకు దారి ఇచ్చే క్రమంలో యువకుడు బైక్‌పై నుంచి అకస్మాత్తుగా కింద పడిపోయాడు.  మొదట అతడికి సహాయం చేయడానికి వచ్చిన కొందరు స్థానికులు.. అతడిని లేపే ప్రయత్నం చేశారు. కానీ, ఆ యువకుడు లేవలేదు. దీంతో ఆ యువకుడిని అక్కడే వదిలి వెళ్లిపోయారు. అంబులెన్స్, పోలీసులకు సైతం సమాచారం ఇవ్వలేదు. ఉదయం అటుగా వెళ్తున్న ఓ వ్యక్తి ఇచ్చిన సమాచారంతో పోలీసులు ఘటనా స్ధలికి చేరుకుని పరిశీలించగా.. యువకుడు చనిపోయి కనిపించాడు.