Khammam: సాఫ్ట్వేర్ ఉద్యోగం సాధించాడు.. అంతలోనే సినిమా చూస్తూ కుప్పకూలాడు
తండ్రి తాపీ మేస్త్రీ పనులు, తల్లి కూలి పనులు చేస్తూ ఆ యువకుడిని చెమటోడ్చి చదివించారు. కష్టపడి ఇంజినీరింగ్ విద్య పూర్తి చేసిన ఆ యువకుడు తల్లిదండ్రుల నమ్మకాన్ని వమ్ముచేయకుండా సాఫ్ట్వేర్ ఉద్యోగం సాధించాడు.
మధిర గ్రామీణం, న్యూస్టుడే: తండ్రి తాపీ మేస్త్రీ పనులు, తల్లి కూలి పనులు చేస్తూ ఆ యువకుడిని చెమటోడ్చి చదివించారు. కష్టపడి ఇంజినీరింగ్ విద్య పూర్తి చేసిన ఆ యువకుడు తల్లిదండ్రుల నమ్మకాన్ని వమ్ముచేయకుండా సాఫ్ట్వేర్ ఉద్యోగం సాధించాడు. వారం రోజుల్లో కొలువులో చేరాల్సి ఉంది. అంతలోపే ఆ యువకుడు.. గుండెపోటుతో మరణించాడు. వివరాల్లోకి వెళ్తే.. ఖమ్మం జిల్లా మధిర మండలం నక్కలగరుబు గ్రామానికి చెందిన కొట్టే పెద్దకృష్ణ, రాధ దంపతులకు ఇద్దరు కుమార్తెలు, ఓ కుమారుడు. రెక్కల కష్టంపై బతికే ఆ దంపతులు ఇద్దరు కుమార్తెల పెళ్లిళ్లు చేశారు. ఒక్కగానొక్క కుమారుడైన కొట్టే మురళీకృష్ణ(26)ను కష్టపడి చదివించారు. బీటెక్ చదివిన మురళీకృష్ణ హైదరాబాద్లోని ప్రైవేటు కంపెనీలో ఉద్యోగం చేస్తూనే సాఫ్ట్వేర్ రంగానికి సంబంధించి ప్రత్యేక శిక్షణ తీసుకున్నారు. అనంతరం ఇటీవలనే మురళీకృష్ణకు హైదరాబాద్లోని ఓ సంస్థలో సాఫ్ట్వేర్ కొలువు వచ్చింది. ఈ నెల 17న ఆ ఉద్యోగంలో చేరాల్సి ఉంది.
దీంతో కొన్ని రోజుల క్రితమే ఎంతో సంతోషంగా సొంతూరికి వచ్చిన ఆయన.. అమ్మానాన్నలకు శుభవార్త చెప్పి ఆనందం పంచుకున్నారు. ఇక తమ కష్టాలు తొలిగిపోయాయని, అందరి బాధ్యతా తానే తీసుకుంటానని చెప్పి తిరిగి హైదరాబాద్కు చేరుకున్న మురళీకృష్ణ గురువారం సాయంత్రం స్నేహితులతో కలిసి థియేటర్కు వెళ్లాడు. కష్టకాలంలో కొలువు వచ్చినందుకు తల్లిదండ్రులూ పొంగిపోయారు. సరదాగా సినిమా చూస్తున్నవాడు చూస్తున్నట్టే హఠాత్తుగా పడిపోయాడు. స్నేహితులు వెంటనే ఆసుపత్రికి తీసుకెళ్లినా ఫలితం దక్కలేదు. కొడుకు మరణవార్త తెలుసుకున్న తల్లిదండ్రుల రోదనలు మిన్నంటాయి. కుటుంబానికి పెద్దదిక్కుగా ఉంటాడని అనుకుంటే తమను వదిలిపోయాడంటూ తల్లిదండ్రులు రోదించిన తీరు చూపరులను కలిచివేశాయి. నక్కలగరుబు గ్రామంలో శుక్రవారం అంత్యక్రియలు నిర్వహించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
సీఎం జగన్పై గులకరాయి కేసులో అరెస్టయి రిమాండ్లో ఉన్న నిందితుడు సతీష్ కుమార్ను కస్టడీకి అనుమతిస్తూ విజయవాడ కోర్టు ఆదేశాలు జారీ చేసింది. -
ప్రమాదవశాత్తు పేలిన ఏకే 47.. సీఆర్పీఎఫ్ అసిస్టెంట్ కమాండెంట్ మృతి
ప్రమాదవశాత్తు తుపాకీ పేలడంతో సీఆర్పీఎఫ్కు చెందిన అసిస్టెంట్ కమాండెంట్ శేషగిరిరావు మృతిచెందారు. -
శివబాలకృష్ణ అక్రమాస్తుల కేసులో ముగ్గురి అరెస్ట్
హెచ్ఎండీఏ మాజీ డైరెక్టర్ శివబాలకృష్ణ అక్రమాస్తుల కేసులో అనిశా మరో ముగ్గురిని అరెస్టు చేసింది. ఆయన ఆస్తులకు బినామీలుగా ఉన్న వ్యాపారులు గోదావర్తి సత్యనారాయణమూర్తి(62), పెంట భరత్కుమార్(30), ప్రైవేటు ఉద్యోగి పెంట భరణికుమార్(30)ను వ్యవహరిస్తున్నట్లు గుర్తించింది. -
నూడుల్స్ ప్యాకెట్లలో వజ్రాలు
నూడుల్స్ ప్యాకెట్లలో దాచిపెట్టిన వజ్రాలు, ప్రయాణికుల శరీర భాగాల్లో, బ్యాగేజీలో ఉంచి అక్రమంగా తరలిస్తున్న బంగారాన్ని ముంబయి విమానాశ్రయంలో కస్టమ్స్ విభాగం స్వాధీనం చేసుకుంది. -
వైకాపా నాయకుడి ఇంట్లో 384 మద్యం సీసాలు
శ్రీకాకుళంలోని కత్తెరవీధికి చెందిన వైకాపా నాయకుడు పైడి మహేశ్వరరావు నివాసంలో దాచి ఉంచిన 384 మద్యం సీసాలను టాస్క్ఫోర్స్ పోలీసులు మంగళవారం స్వాధీనం చేసుకున్నారు. -
ఇంట్లోకి దూసుకెళ్లిన బస్సు.. నలుగురికి గాయాలు
ముందు వెళ్తున్న వాహనాన్ని ఓవర్ టేక్ చేయబోయిన బస్సు అదుపుతప్పి ఓ ఇంట్లోకి దూసుకెళ్లిన ఘటన సూర్యాపేట జిల్లా మునగాలలో మంగళవారం తెల్లవారుజామున జరిగింది. -
అప్పుల బాధతో దంపతుల ఆత్మహత్యాయత్నం
అప్పుల ఊబిలో కూరుకుపోయిన ఆ దంపతులు వాటిని తీర్చే దారిలేక ఆత్మహత్యాయత్నానికి పాల్పడగా భర్త మృతి చెందారు. ఈ విషాదకర ఘటన పెద్దపల్లి జిల్లా ముత్తారం మండలం పారుపల్లిలో జరిగింది. -
యూసఫ్గూడలో రోడ్డు ప్రమాదం.. యువతిపై బస్సు ఎక్కడంతో మృతి
హైదరాబాద్ నగరంలోని యూసఫ్గూడలో మంగళవారం రాత్రి రోడ్డు ప్రమాదం జరిగింది. ఈ ఘటనలో ఒక యువతిపై బస్సు ఎక్కడంతో తీవ్రగాయాలతో ఆమె మృతిచెందింది.
తాజా వార్తలు (Latest News)
-
ఎన్నికలను మేం నియంత్రించలేం: ‘వీవీప్యాట్’ కేసులో సుప్రీం కీలక వ్యాఖ్యలు
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్