వికారాబాద్‌లో తూటా కలకలం

తాండూరు: వికారాబాద్‌ జిల్లాలోని అటవీ ప్రాంతంలో ఒక బుల్లెట్(తూటా)‌, మ్యాగజిన్‌ లభించడం స్థానికంగా కలకలం సృష్టించింది. వివరాల్లోకి వెళ్తే.. జిల్లాలోని యాలాల పోలీస్‌స్టేషన్‌ పరిధిలో గల  అటవీ ప్రాంతంలో ఒక బుల్లెట్‌తో పాటు బుల్లెట్లను భద్రపరిచే మ్యాగజిన్‌‌ లభించింది. అటవీ ప్రాంతంలో పశువులను మేపడానికి వెళ్లిన కొంత మంది గ్రామస్థులు వాటిని గుర్తించి గ్రామ సర్పంచికి సమాచారం అందించారు. వెంటనే అక్కడికి చేరుకున్న గ్రామ సర్పంచి అటవీ శాఖ అధికారులు, స్థానిక పోలీసులకు సమాచారం అందించారు. సంఘటనా స్థలానికి చేరుకున్న పోలీసులు బుల్లెట్‌, మ్యాగజిన్‌‌ను స్వాధీనం చేసుకుని దర్యాప్తు చేపట్టారు. ఎవరైనా అడవిలో వేటకు వచ్చి వాటిని అక్కడ వదిలి వెళ్లారా? లేక ఇతరత్రా కారణాలు ఏమైనా ఉన్నాయా అనే కోణంలో పోలీసులు దర్యాప్తు చేస్తున్నారు.

ఇవీ చదవండి..

సికింద్రాబాద్‌లో భారీగా బంగారం చోరీ 

ప్రేయసిని చంపి.. గోడలో దాచి..