Crime: బస్సు, ట్రాలీ ఆటో ఢీకొని ఒకరు మృతి

సంగారెడ్డి: సంగారెడ్డి జిల్లా జహీరాబాద్ వద్ద ఘోర రోడ్డు ప్రమాదం జరిగింది. ఈ ప్రమాదంలో ఒక వ్యక్తి మృతి చెందారు. మహారాష్ట్రలోని ఉద్గిర్ ప్రాంతానికి చెందిన పెళ్లి బృందం హైదరాబాద్ నుంచి సామగ్రిని తీసుకొని ఓ ప్రైవేటు బస్సులో వెళ్తుండగా ఈ ప్రమాదం జరిగింది. బైపాస్ రోడ్డులోని అల్గోల్ చౌరస్తా వద్ద రోడ్డు దాటుతున్న ట్రాలీ ఆటోను  బస్సు ఢీ కొట్టింది. ఒక్కసారిగా మంటలు చెలరేగడంతో ఆటో పూర్తిగా దగ్ధమైంది. అందులో ప్రయాణిస్తున్న సమీర్ అనే వ్యక్తి సజీవదహనం అయ్యారు. షేక్ ఇమామ్, కలీం, కుమార్ సింగ్ తీవ్రంగా గాయపడ్డారు. పోలీసులు తెలిపారు. క్షతగాత్రులను హైదరాబాద్ గాంధీ ఆస్పత్రికి తరలించారు.