Chain Snatching: పట్టపగలే రెచ్చిపోయిన చైన్ స్నాచర్లు

దిల్లీ: దిల్లీ శివారు నగరమైన ఉత్తరప్రదేశ్‌లోని ఘజియాబాద్‌లో పట్టపగలు చైన్  స్నాచర్లు రెచ్చిపోయారు. షాహిబాబాద్‌లో నడుచుకుంటూ వెళ్తున్న ఓ మహిళ నుంచి బంగారు గొలుసును అందరూ చూస్తుండగానే ఎత్తుకెళ్లారు. తొలుత ఓ మహిళను ఇద్దరు దొంగలు గమనించి వెంబడించారు. ఆపై అదును చూసుకొని ఒక దొంగ మహిళ మెడలోని చైన్  లాక్కొని పరిగెత్తాడు. అప్పటికే ద్విచక్ర వాహనంతో సిద్ధంగా ఉన్న మరో దొంగ బండి ఎక్కి పరారయ్యాడు. ఇందుకు సంబంధించిన దృశ్యాలు సీసీటీవీలో రికార్డు అయ్యాయి. సీసీ టీవీ ఫుటేజీ ఆధారంగా నిందితులను పట్టుకునేందుకు పోలీసులు ప్రయత్నిస్తున్నారు. కాగా రెండు వారాల వ్యవధిలో ఘజియాబాద్‌లో పలు చైన్‌ స్నాచింగ్‌ కేసులు నమోదైనట్లు పోలీసులు తెలిపారు.