Crime news: సైబీరియా బొగ్గు గనిలో మంటలు.. 9మంది మృతి!

మాస్కో: రష్యాలోని సైబీరియా ప్రాంతంలో పెను విషాదం చోటుచేసుకుంది. బొగ్గు గనుల్లో మంటలు చెలరేగడంతో తొమ్మిది మంది మృత్యువాతపడ్డారు. ఈ ఘటనలో 44మందికి గాయాలు కాగా.. డజన్ల మంది మంటల్లో చిక్కుకున్నట్టు అధికారులు తెలిపారు. నైరుతి సైబీరియాలోని కెమెరోవో ప్రాంతంలో ఈ దుర్ఘటన చోటుచేసుకున్నట్టు రష్యా న్యూస్‌ ఏజెన్సీ టాస్‌ వెల్లడించింది. బొగ్గునిల్వలకు మంటలు అంటుకోగా.. వెంటిలేషన్‌ వ్యవస్థ ద్వారా మొత్తం ఆ గని పొగలు కమ్ముకొన్నట్టు తెలిపింది. ఈ దుర్ఘటన సమయంలో గనిలో 285 మంది ఉన్నారు. వీరిలో 237 మందిని రక్షించగా.. మిగతా వారిని కాపాడేందుకు అధికారులు సహాయక చర్యలు కొనసాగిస్తున్నారు. భద్రతాపరమైన నిబంధనలు ఉల్లంఘించడం వల్లే ఈ దుర్ఘటన జరిగిందనే ఆరోపణలపై రష్యా దర్యాప్తు కమిటీ క్రిమినల్‌ విచారణను చేపట్టింది.

► Read latest Crime News and Telugu News