Karnataka: నిను వీడలేను.. బతికుండలేను

మండ్య, న్యూస్‌టుడే: ఆ అమ్మాయిలిద్దరూ కవలలు. చిన్నప్పటి నుంచి కలిసిమెలిసి ఆడుతూపాడుతూ పెరిగారు. జీవితాంతం అలాగే ఉండాలని కలలు కన్నారు. పెళ్లి వయసు వచ్చింది. వారి తల్లిదండ్రులు వేర్వేరు కుటుంబాల వారికి ఇచ్చి వివాహాలు చేసేందుకు నిర్ణయించడంతో ఎడబాటు తప్పదని భావించి కలిసికట్టుగా ఆత్మహత్య చేసుకున్నారు. ఈ సంఘటన కర్ణాటక రాష్ట్రం మండ్య జిల్లా శ్రీరంగపట్టణ తాలూకా హణసనహళ్లిలో చోటుచేసుకుంది. మృతులను దీపిక, దివ్య(19)లుగా గుర్తించారు. శనివారం సాయంత్రం ఇంట్లో ఎవరూ లేరని నిర్ధారించుకుని ఉరివేసుకుని ఆత్మహత్య చేసుకోగా.. సోమవారం ఉదయం ఆ విషయం వెలుగు చూసింది. అరెకెరె పోలీసులు కేసు నమోదు చేశారు.