Published : 02/10/2021 01:32 IST

crime news: మానవ మృగాలు! మూగ, చెవిటి బాలికపై అమానుషం

భోపాల్‌: మధ్యప్రదేశ్‌ షాదోల్‌లో సభ్యసమాజం తలదించుకునే ఘటన చోటుచేసుకుంది. ఓ మూగ, చెవిటి బాలికపై ఆరుగురు యువకులు సామూహిక అత్యాచారానికి ఒడిగట్టారు. అంతటితో ఆగకుండా.. ఫొటోలు, వీడియోలు తీసి సామాజిక మాధ్యమాల్లో ఉంచారు. కొత్వాలి పోలీసు స్టేషన్‌ పరిధిలోని ఓ గ్రామానికి చెందిన మూగ, చెవిటి బాలిక ఇంట్లో ఒంటరిగా ఉండటాన్ని గమనించిన ఓ యువకుడు ఆమెను నిర్మానుష్య ప్రాంతానికి ఎత్తుకెళ్లాడు. అప్పటికే అక్కడ మరో ఐదుగురు కాపు కాస్తున్నారు. అనంతరం మొత్తం ఆరుగురు ఆ అభాగ్యురాలిపై అత్యాచారానికి పాల్పడ్డారు. ఆ సమయంలో ఫొటోలు, వీడియోలు తీశారు.

అనంతరం బాధితురాలిని ఇంటివద్ద వదిలేశారు. తనకు జరిగిన అన్యాయంపై బాలిక ఇంట్లో చెప్పుకోలేపోయింది. అయితే సామాజిక మాధ్యమాల్లో ఆమె ఫొటోలు వెలుగుచూడటంతో విషయం తండ్రికి తెలిసింది. కుమార్తెను ఆరా తీయగా ఆమె బోరుమంది. తనపై జరిగిన రాక్షసకాండను తల్లిదండ్రులకు వివరించింది. దీంతో వారు పోలీసులను ఆశ్రయించారు. పోలీసులు బాలికను విచారించగా పలు సంజ్ఞల ద్వారా వారికి కూడా విషయాన్ని తెలియజేసింది. దీంతో పలు అనుమానితుల ఫొటోలను పోలీసులు బాలికకు చూపించగా.. నిందితులను ఆమె గుర్తించింది. ఆరుగురు నిందితులను అరెస్టు చేసినట్లు పోలీసు సూపరింటెండెంట్‌ అవధేశ్‌ గోస్వామి వెల్లడించారు. అయితే అందులో నలుగురు మైనర్లేనని పేర్కొన్నారు.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని