ED: రుణయాప్‌ల కేసుల్లో దూకుడు పెంచిన ఈడీ.. రూ.86.65 కోట్ల జప్తు

హైదరాబాద్‌: రుణయాప్‌ల కేసుల్లో ఈడీ దూకుడు పెంచింది. తాజాగా నాలుగు ఎన్‌బీఎఫ్‌సీలకు సంబంధించిన 155 బ్యాంకు ఖాతాల్లోని రూ.86.65కోట్లు ఈడీ జప్తు చేసింది. కుడోస్‌, ఏస్‌ మనీ, రినో, పయోనీర్‌ ఫినాన్స్‌ లిమిటెడ్‌లకు సంబంధించిన ఖాతాల్లో నగదు జప్తు చేసింది. గతంలో కుడోస్‌ కంపెనీకి చెందిన రూ.72.32 కోట్లు జప్తు చేసిన ఈడీ, తాజాగా ఈ నాలుగు కంపెనీలకు సంబంధించి మొత్తం ఇప్పటి వరకు 158.97 కోట్లు జప్తు చేసింది. దేశ వ్యాప్తంగా ఈ నాలుగు కంపెనీలు రూ.940.46 కోట్లు మోసానికి పాల్పడినట్టు ఈడీ గుర్తించింది. ఆర్బీఐ నిబంధనలకు విరుద్ధంగా చైనా కంపెనీలతో కుమ్మక్కై అమాయకులను మోసం చేసినట్టు ఈడీ దర్యాప్తులో గుర్తించింది.