Published : 26 May 2022 20:25 IST

Palnadu: షార్ట్ సర్క్యూట్ తో ఇల్లు దగ్ధమై బాలుడు సజీవ దహనం

నరసరావుపేట: పల్నాడు జిల్లా నరసరావుపేట మండలం రావిపాడులో విద్యుత్ షార్ట్ సర్క్యూట్‌తో ఇల్లు దగ్ధమైంది. ఈ ఘటనలో బాలుడు సజీవ దహనమయ్యాడు. బుధవారం అర్ధరాత్రి గ్రామంలోని ఎస్సీ కాలనీలో విద్యుత్ వైర్లు తెగి అనపర్తి కోటేశ్వరరావు ఇంటిపై పడింది. ఈ ప్రమాదంలో ఇల్లు పూర్తిగా దగ్ధమైంది. ఈ ఘటనలో కిరణ్(2) సజీవదహనమయ్యాడు. అగ్నిమాపక సిబ్బంది మంటలార్పిన తర్వాత ఇంట్లో బాలుడి మృతదేహాన్ని గుర్తించారు. బాధిత కుటుంబసభ్యులను నరసరావుపేట తెలుగుదేశం బాధ్యుడు చదలవాడ అరవిందబాబు, నరసరావుపేట ఎమ్మెల్యే గోపిరెడ్డి శ్రీనివాసరెడ్డి పరామర్శించారు. వారికి శ్రీనివాసరెడ్డి రూ.50వేలు అందించారు. విద్యుత్ అధికారుల నిర్లక్ష్యంతోనే ఈ ప్రమాదం జరిగిందని చదలవాడ అన్నారు. బాధిత కుటుంబానికి రూ.50 లక్షలు పరిహారం ఇవ్వాలని డిమాండ్ చేశారు.


Read latest Crime News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts