Palnadu: షార్ట్ సర్క్యూట్ తో ఇల్లు దగ్ధమై బాలుడు సజీవ దహనం

నరసరావుపేట: పల్నాడు జిల్లా నరసరావుపేట మండలం రావిపాడులో విద్యుత్ షార్ట్ సర్క్యూట్‌తో ఇల్లు దగ్ధమైంది. ఈ ఘటనలో బాలుడు సజీవ దహనమయ్యాడు. బుధవారం అర్ధరాత్రి గ్రామంలోని ఎస్సీ కాలనీలో విద్యుత్ వైర్లు తెగి అనపర్తి కోటేశ్వరరావు ఇంటిపై పడింది. ఈ ప్రమాదంలో ఇల్లు పూర్తిగా దగ్ధమైంది. ఈ ఘటనలో కిరణ్(2) సజీవదహనమయ్యాడు. అగ్నిమాపక సిబ్బంది మంటలార్పిన తర్వాత ఇంట్లో బాలుడి మృతదేహాన్ని గుర్తించారు. బాధిత కుటుంబసభ్యులను నరసరావుపేట తెలుగుదేశం బాధ్యుడు చదలవాడ అరవిందబాబు, నరసరావుపేట ఎమ్మెల్యే గోపిరెడ్డి శ్రీనివాసరెడ్డి పరామర్శించారు. వారికి శ్రీనివాసరెడ్డి రూ.50వేలు అందించారు. విద్యుత్ అధికారుల నిర్లక్ష్యంతోనే ఈ ప్రమాదం జరిగిందని చదలవాడ అన్నారు. బాధిత కుటుంబానికి రూ.50 లక్షలు పరిహారం ఇవ్వాలని డిమాండ్ చేశారు.