Crime news: కిరాతకం.. 12 ఏళ్ల బాలుడిపై నలుగురి అత్యాచారం!

దేశ రాజధాని నగరంలో అమ్మాయిలకే కాదు బాలురకూ రక్షణలేకుండా పోయింది! నార్త్‌ దిల్లీలోని శీలంపూర్‌ ప్రాంతంలో 12ఏళ్ల.....

Published : 25 Sep 2022 21:34 IST

పోలీసులకు డీసీడబ్ల్యూ ఛైర్‌పర్సన్‌ స్వాతి మాలివాల్‌ నోటీసులు

దిల్లీ: దేశ రాజధాని నగరంలో అమ్మాయిలకే కాదు బాలురకూ రక్షణలేకుండా పోయింది! నార్త్‌ దిల్లీలోని శీలంపూర్‌ ప్రాంతంలో 12ఏళ్ల బాలుడిపై నలుగురు వ్యక్తులు కిరాతకానికి పాల్పడ్డారు. ఆ పసివాడిపై లైంగిక దాడి చేసి కర్రలతో విచక్షణారహితంగా కొట్టారు. ఈ అమానవీయ ఘటనపై దిల్లీ మహిళా కమిషన్‌(డీసీడబ్ల్యూ) ఛైర్‌పర్సన్‌ స్వాతి మాలివాల్‌ తీవ్ర ఆగ్రహం వ్యక్తంచేశారు. ఈ ఘటనను ట్విటర్‌లో వెల్లడించిన ఆమె.. ‘‘దిల్లీలో అమ్మాయిలకే కాదు.. అబ్బాయిలకూ భద్రతలేదు. 12 ఏళ్ల బాలుడిపై నలుగురు వ్యక్తులు కిరాతకంగా లైంగిక దాడి చేసి కర్రలతో కొట్టి అక్కడ వదిలేసి వెళ్లిపోయారు. ఈ వ్యవహారంపై మా బృందం ఎఫ్‌ఐఆర్‌ నమోదు చేసింది. దిల్లీ పోలీసులకు నోటీసులు జారీచేశాం’’ అని పేర్కొన్నారు.

దిల్లీలో అబ్బాయిలకూ రక్షణ లేదు.. స్వాతి ట్వీట్‌

దిల్లీ శీలంపూర్‌లో తన 12 ఏళ్ల కొడుకుపై లైంగిక దాడి జరిగిందంటూ ఓ మహిళ తమకు ఫిర్యాదు చేసినట్టు దిల్లీ మహిళా కమిషన్‌ ఛైర్‌పర్సన్‌ శ్వేతా మాలివాల్‌ వెల్లడించారు. ఈ మేరకు శీలంపూర్‌ పోలీస్‌ స్టేషన్‌ హౌస్‌ ఆఫీసర్‌(ఎస్‌హెచ్‌వో)కు లేఖ రాసి దాన్ని ట్విటర్‌లో షేర్‌ చేశారు. ఆ లేఖలో పేర్కొన్న వివరాల ప్రకారం.. ఈ నెల 18న నలుగురు వ్యక్తులు బాలుడిపై గ్యాంగ్‌ రేప్‌ చేసి రహస్య అవయవాల్లో రాడ్డుతో దాడి చేశారు. ఇటుకలు, రాడ్డులతో కిరాతకంగా కొట్టారు. ఈ కిరాతక చర్య గురించి ఈ నెల 22న బాలుడు తల్లిదండ్రులకు చెప్పాడు. వాళ్లు వెంటనే దిల్లీ పోలీసులకు సమాచారం ఇచ్చారు. ప్రస్తుతం ఆ బాలుడి పరిస్థితి చాలా విషమంగా ఉందని.. ప్రస్తుతం ఆస్పత్రిలో చికిత్సపొందుతుడున్నాడు. ఇది చాలా తీవ్రమైన అంశం. ఈ వ్యవహారంపై నమోదు చేసిన ఎఫ్‌ఐఆర్‌ కాపీతో పాటు నిందితుల అరెస్టు, తీసుకున్న చర్యలపై ఈ నెల 28లోగా సవివరమైన నివేదిక ఇవ్వాలి’’ అని స్వాతి మాలివాల్‌ లేఖలో పేర్కొన్నారు.


Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని