Crime News: హైదరాబాద్‌ ఛత్రినాక వద్ద పేలుడు.. ఇద్దరు మృతి

హైదరాబాద్‌: నగరంలోని ఛత్రినాక పరిధి కందికల్‌ గేట్‌ వద్ద గురువారం రాత్రి పేలుడు చోటుచేసుకుంది. ఈ ప్రమాదంలో ఇద్దరు మృతి చెందారు. ఒకరికి తీవ్రగాయాలు అయ్యాయి. బాధితున్ని సమీప ఆసుపత్రికి తరలించి చికిత్స అందిస్తున్నారు. సమాచారం అందుకున్న పోలీసులు ఘటనాస్థలానికి వెళ్లారు. అనంతరం క్లూస్‌టీమ్‌ బృందం అక్కడికి చేరుకొని ఘటనాస్థలిని పరిశీలించింది.  మృతులు పశ్చిమ బెంగాల్‌కు చెందిన విష్ణు(25), జగన్నాథ్‌(30)గా గుర్తించారు. చనిపోయిన వారు పీవోపీ విగ్రహ తయారీ కార్మికులుగా పోలీసులు గుర్తించారు. విగ్రహ తయారీ పరిశ్రమలో బాణసంచా కారణంగానే పేలుడు సంభవించినట్లు పోలీసులు తెలిపారు. బాణసంచాకు రసాయనాలు కలవడంతో పేలుడు తీవ్రత ఎక్కువైనట్లు పోలీసులు పేర్కొన్నారు.