Sangareddy: సంగారెడ్డి జిల్లాలో అగ్నిప్రమాదం.. ముగ్గురు మృతి

సంగారెడ్డి: సంగారెడ్డి జిల్లాలో ఘోర అగ్నిప్రమాదం సంభవించింది. జిన్నారం మండలం గడ్డపోతారం పారిశ్రామికవాడలోని మైలాన్‌ పరిశ్రమలో వేర్‌హౌస్‌ బ్లాక్‌లో మంటలు చెలరేగి ముగ్గురు మృతి చెందారు. ప్రమాదంలో పరిశ్రమ అసిస్టెంట్‌ మేనేజర్, శ్రీకాకుళం వాసి లోకేశ్వర్‌రావు (38), కార్మికులు బెంగాల్‌ వాసి పరితోష్‌ మెహతా (40), బిహార్‌ వాసి రంజిత్‌ కుమార్‌ (27) తీవ్రంగా గాయపడి ఆసుపత్రికి తరలించగా మార్గం మధ్యలో ప్రాణాలు కోల్పోయారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకొని మంటలు ఆర్పే ప్రయత్నం చేశారు. ఘటనపై విచారణ చేస్తున్నట్లు డిప్యూటీ ఇన్‌స్పెక్టర్‌ ప్రవీణ్‌కుమార్‌ తెలిపారు. ఐడీఏ బొల్లారం పోలీసులు విచారణ చేపట్టారు.