Khammam: ద్విచక్రవాహనానికి మంటలు అంటుకొని.. కాలిపోయిన వ్యక్తి!

తల్లాడ: ఖమ్మం జిల్లా తల్లాడ సమీపంలో ద్విచక్రవాహనానికి మంటలు అంటుకొని వాహనంతోపాటు ఓ వ్యక్తి కాలిపోయాడు. ఎన్టీఆర్ నగర్ వద్ద వరి పొలం పక్కన ఓ వ్యక్తి ద్విచక్రవాహనం నిలిపి ఉంచాడు. ప్రమాదవశాత్తు వాహనానికి నిప్పు అంటుకోవడంతో పక్కనే ఉన్న వరి గడ్డికి వ్యాపించింది. మంటలు ఎగిసిపడుతూ ఆ వ్యక్తికి కూడా అంటుకున్నాయి. కాలిన గాయాలతో పరుగులు తీస్తూ రహదారిపైకి వచ్చిన ఆ వ్యక్తిని స్థానికులు ఖమ్మంలోని ఆస్పత్రికి తరలించారు. సమాచారం అందుకున్న పోలీసులు ఘటనాస్థలానికి చేరుకొని దర్యాప్తు చేప్టటారు. ఘటనా స్థలంలో దొరికిన గుర్తింపుకార్డు ఆధారంగా ఆ వ్యక్తిని కోదాడకు చెందిన గోపాల్‌గా గుర్తించారు. ఘటన ఎలా జరిగిందనే కోణంలో దర్యాప్తు చేస్తున్నారు.

► Read latest Crime News and Telugu News