Fireworks explosion: బాణసంచా పేలుడు.. ఐదుగురి మృతి

కటక్‌: ఒడిశాలోని ఖుర్దా జిల్లా భూసంగపూర్‌లో బాణసంచా పేలుడు సంభవించింది. ఈ దుర్ఘటనలో ఐదుగురు మృత్యువాత పడ్డారు. మరో ముగ్గురికి తీవ్రగాయాలయ్యాయి. డోలా పూర్ణిమ సందర్భంగా ఇంట్లో బాణసంచా తయారు చేస్తుండగా సోమవారం ఉదయం ఈ పేలుడు జరిగింది. స్థానికుల సమాచారంతో ఘటనాస్థలికి చేరుకున్న పోలీసులు.. ప్రమాదం జరిగిన ప్రాంతాన్ని పరిశీలించి దర్యాప్తు చేపట్టారు.

పేలుడు జరిగిన నివాసంలో ఇంకా ఎవరైనా ఉండొచ్చని పోలీసులు అనుమానిస్తున్నారు. దీంతో మృతుల సంఖ్య మరింత పెరగొచ్చని సమాచారం. భారీ పేలుడు శబ్దానికి చుట్టుపక్కల ప్రజలు భయాందోళనకు గురయ్యారు.