రూపాయి విలువ చేసే చాక్లెట్లు దొంగిలించాడని..

బెంగళూరు: బెంగళూరులో దారుణం జరిగింది. రెండు చాక్లెట్లు దొంగిలించినందుకు ఓ బాలుడి జుట్టు, కనుబొమ్మలు, కనురెప్పల వెంట్రుకలు ఓ సూపర్‌ మార్కెట్‌ యజమాని కత్తిరించాడు. ఎలహంక కుత్తెనహళ్లిలో ఓ వ్యాపారి గల్లీమార్ట్‌ అనే దుకాణాన్ని నడుపుతున్నాడు. ఒక రూపాయి విలువచేసే రెండు చాక్లెట్లు దొంగిలించాడని 15 ఏళ్ల బాలుణ్ని ఆ దుకాణ యజమాని బంధించాడు. సిబ్బంది సాయంతో కాళ్లుచేతులు కట్టేసి మరీ జుట్టు, కనుబొమ్మలు, కనురెప్పల వెంట్రుకలు కత్తిరించాడు. ఆ సమయంలో తీవ్ర భయాందోళనకు గురైన బాలుడు వద్దంటూ ప్రాధేయపడ్డాడు. అయినా కనికరించని సిబ్బంది అమానవీయ చర్యను వీడియో తీసి సామాజిక మాధ్యమాల్లో పంచుకొని రాక్షసానందం పొందారు.