సరదాగా ఉరి..ప్రమాదవశాత్తూ భర్త మృతి!

ట్రిప్లికే, న్యూస్‌టుడే: భార్యకు ఉరేసుకోవడం గురించి చెబుతూ ప్రమాదవశాత్తూ గొంతుకు తాడు బిగుసుకుని నూతన వరుడు మృతి చెందారు.  తమిళనాడులోని మదురై జిల్లా చోళైయళగుపురానికి చెందిన మహ్మద్‌ అలీ(22)కి రెండు నెలల క్రితం వివాహమైంది. దంపతులు ఇంట్లో సరదాగా మాట్లాడుకుంటున్న సమయంలో తాడుతో ఉరేసుకోవడం గురించి చెబుతూ... అలా చేసి చూపించేందుకు అలీ యత్నించినట్లు సమాచారం. ఆ సమయంలో అతడు నిల్చున్న కుర్చీ జారి కిందపడింది. గొంతుకు ఉన్న తాడు బిగుసుకుంది. దిగ్భ్రాంతికి గురైన భార్య కేకలు వేసింది. వెంటనే స్థానికులు వచ్చి అలీని ఆస్పత్రికి తరలించారు. అప్పటికే ఆయన మృతి చెందారు.