హయత్‌నగర్‌లో విషాదం

హయత్‌నగర్‌ : హైదరాబాద్‌ నగర శివారులోని హయత్‌నగర్‌లో విషాదం చోటు చేసుకుంది. హయత్‌నగర్‌ రాఘవేంద్ర కాలనీలో నివసించే మమత(20), గౌతమి(21) స్నేహితురాళ్లు. శుక్రవారం ఉదయం మమత తల్లిదండ్రులు శుభకార్యం నిమిత్తం మహబూబ్‌నగర్‌కు వెళ్లగా, ఆమె సోదరుడు పాఠశాలకు వెళ్లాడు. సాయంత్రం 4గంటలకు ఆమె సోదరుడు ఇంటికి వచ్చి చూసేసరికి ..మమతతో పాటు ఆమె స్నేహితురాలు గౌతమి ఇంటి పైకప్పు ఇనుపరాడ్‌కు ఉరి వేసుకుని ఆత్మహత్యకు పాల్పడినట్టు గుర్తించాడు. స్థానికుల సమాచారం మేరకు పోలీసులు ఘటనా స్థలికి చేరుకుని వివరాలు సేకరిస్తున్నారు.  ఆత్మహత్యకు గల కారణాలు తెలియాల్సి ఉంది.