మారుతీరావు విషం తీసుకున్నారు:సీఐ సైదిరెడ్డి

హైదరాబాద్‌: ఆత్మహత్యకు పాల్పడిన మిర్యాలగూడ వ్యాపారి, ప్రణయ్‌ హత్యకేసులో ప్రధాన నిందితుడు మారుతీరావు పోస్ట్‌మార్టం పూర్తయింది. ఆయన మృతదేహాన్ని కుటుంబసభ్యులకు పోలీసులు అందజేయడంతో వారు మిర్యాలగూడ తరలించారు. ఈ సందర్భంగా సైఫాబాద్‌ సీఐ సైదిరెడ్డి మీడియాతో మాట్లాడారు. మారుతీరావు విషం తీసుకుని ఆత్మహత్యకు పాల్పడినట్లు ప్రాథమికంగా నిర్ధారించామని చెప్పారు. ఘటన గురించి తెలిసిన తర్వాత ఖైరతాబాద్‌లోని ఆర్యవైశ్య భవన్‌లో క్లూస్‌ టీంతో తనిఖీలు చేయించామన్నారు. ఆ సమయంలో మారుతీరావు మంచంపై విగతజీవిగా పడి ఉన్నారని చెప్పారు. ఘటనాస్థలంలో ఓ లేఖను స్వాధీనం చేసుకున్నామని.. ఆ లేఖలో ‘గిరిజా క్షమించు, అమృతా అమ్మదగ్గరికి రా’ అని ఉందని సీఐ వివరించారు. ప్రణయ్‌ హత్య తర్వాత చోటు చేసుకున్న పరిణామాల నేపథ్యంలో బనాయించిన కేసుల ఒత్తిడి కారణంగానే మారుతీరావు ఆత్మహత్యకు పాల్పడి ఉంటాడని పోలీసులు భావిస్తున్నారు. 

ఇదీ చదవండి..

మారుతీరావు ఆత్మహత్య