కేవైసీ పేరుతో రూ. 1.90 లక్షలు మాయం

హైదరాబాద్‌: పేటీఎం కేవైసీ పేరుతో ఇద్దరి ఖాతాల్లో నుంచి రూ.1.90 లక్షలు మాయం చేశారు సైబర్‌ నేరస్థులు. లక్డీకాపూల్‌కు చెందిన ఓ వ్యక్తికి పేటీఎం కేవైసీ చేసుకోవాలంటూ ఫోన్‌ వచ్చింది. స్మార్ట్‌ఫోన్‌లో క్విక్‌ సపోర్టు యాప్‌ ఇన్‌స్టాల్‌ చేస్తే ప్రక్రియ పూర్తి చేస్తామని ఆ వ్యక్తి చెప్పడంతో యాప్‌ ఇన్‌స్టాల్‌ చేశాడు. అనంతరం ఖాతాలో నుంచి రూ.96 వేలు మళ్లించినట్లు సమాచారం వచ్చింది. వారాసిగూడకు చెందిన వ్యక్తి ఖాతాలో నుంచి ఇదే తరహాలో రూ.94 వేలు మాయమయ్యాయి. బాధితుల ఫిర్యాదుల మేరకు కేసు నమోదు చేసినట్లు సైబర్‌ క్రైమ్‌ పోలీసులు తెలిపారు.