పెళ్లి ఆగిందని ఆత్మహత్య

ధర్మవరం : పెళ్లి ఆగిందనే మనస్తాపంతో ఓ యువతి ఆత్మహత్య చేసుకుంది. అనంతపురంజిల్లా ధర్మవరం శాంతినగర్‌లో ఈ ఘటన జరిగింది. చేనేత కార్మికురాలైన పబ్బతి హేమావతి(25)కి ఈనెల 25, 26న వివాహం జరగాల్సి ఉంది. ఆమె తండ్రి ఇదివరకే మృతి చెందగా కుటుంబ బాధ్యత తల్లి నారాయణమ్మపై పడింది. ఈమె ఆరో కుమార్తె. ఇద్దరూ కూలి మగ్గం నేస్తూ జీవిస్తున్నారు. పెళ్లి కోసం అప్పు అడిగారు. లాక్‌డౌన్‌ కారణంతో వ్యాపారాలు బంద్‌ కావడం, మగ్గాలు మూతపడటంతో డబ్బు చేతికి అందలేదు. దీంతో పెళ్లి ఆగిందనే మనస్తాపంతో శనివారం మగ్గాల షెడ్డులో చీరతో ఉరి వేసుకుంది.