హత్యా..ఆత్మహత్యా?

కాటేదాన్‌, న్యూస్‌టుడే: అనుమానాస్పద స్థితిలో ఒక కార్మికుడు మృతిచెందడాన్ని గురువారం మైలార్‌దేవుపల్లి ఠాణా పోలీసులు కనుగొన్నారు. ఇన్‌స్పెక్టర్‌ సత్తయ్య కథనం ప్రకారం..ఉత్తర్‌ప్రదేశ్‌కు చెందిన అతడు ఎనిమిది నెలల క్రితం నగరానికి వచ్చి కాటేదాన్‌లో స్థిరపడ్డాడు. మూడురోజుల క్రితం బయటకు వెళ్లి తిరిగి రాలేదు. మైలార్‌దేవుపల్లి రైల్వేగేటు మార్గంలోని కాలువలో గుర్తుపట్టలేని రీతిలో మృతదేహం పడిఉందని సమాచారం అందడంతో, ఆ స్థలానికి చేరుకున్న పోలీసులు ఆరా తీశారు. ఉస్మానియా ఆసుపత్రి మార్చురీకి తరలించారు. శవపరీక్ష నివేదిక రాగానే కేసు దర్యాప్తు వేగవంతం చేస్తామన్నారు.