కరోనాభయంతో అపార్ట్‌మెంట్‌పై నుంచి దూకి..

హైదరాబాద్‌: కరోనా వైరస్‌ భయంతో ఓ వ్యక్తి అపార్ట్‌మెంట్‌పై నుంచి దూకి ఆత్మహత్య చేసుకున్న ఘటన హైదరాబాద్‌ రామంతాపూర్‌లో జరిగింది. గ్యాస్ట్రిక్‌ సమస్యతో బాధపడుతున్న 60 ఏళ్ల వ్యక్తికి  తరచు ఆయాసం రావడంతో కరోనా సోకిందేమోనని ఆందోళన చెందాడు. కుటుంబ సభ్యులు కింగ్‌కోఠి ఆసుపత్రికి తీసుకెళ్లగా..కరోనా లక్షణాలు లేవని వైద్యులు తేల్చారు. అయినప్పటికీ ఆందోళన చెందేవాడని కుటుంబ సభ్యులు తెలిపారు. ఇవాళ ఉదయం వైద్య పరీక్షల కోసం సికింద్రాబాద్‌ గాంధీ ఆసుపత్రికి వెళ్దామని సిద్ధమవుతున్న తరుణంలో అపార్ట్‌మెంట్‌ పైనుంచి కిందకు దూకాడు. దీంతో తలపగిలి అక్కడికక్కడే మృతి చెందాడు. ఘటనపై పోలీసులు కేసునమోదు చేసి దర్యాప్తు చేస్తున్నారు.