భార్యా పిల్లలను చంపిన సీఆర్పీఎఫ్‌ కానిస్టేబుల్‌

దిల్లీ: ఓ జవాన్‌ తన భార్యా పిల్లలను పొట్టనపెట్టుకున్న సంఘటన ఉత్తర్‌ప్రదేశ్‌లో చోటుచేసుకుంది. అలహాబాద్‌ సీఆర్పీఎఫ్‌ క్యాంప్‌లో నివాసం ఉంటున్న వీకే యాదవ్‌ అనే సీఆర్పీఎఫ్‌ కానిస్టేబుల్‌ అక్కడ డ్రైవర్‌గా విధులు నిర్వర్తిస్తున్నాడు. ఈ క్రమంలో శనివారం ఉదయం తన భార్యతో పాటు కూతురు, కుమారుడిని తుపాకీతో కాల్చి చంపాడు. స్థానికుల సమాచారంతో పోలీసులు, పారామిలిటరీ ఉన్నతాధికారులు ఘటనాస్థలికి చేరుకొని పరిశీలించారు. వారిని ఎందుకు చంపాడనే విషయం తెలియరాలేదు. హత్యలు చేశాక అతడు ఇంట్లోకెళ్లి గడియ పెట్టుకున్నాడని పోలీసులు చెప్పారు. ఈ ఘటనపై కేసు నమోదు చేసి దర్యాప్తు జరుపుతామని వెల్లడించారు.