పిల్లికి ఉరేసి టిక్‌టాక్‌ : యువకుడి అరెస్టు

చెన్నై : టిక్‌టాక్‌లో లైక్‌ల కోసం ఓ యువకుడు క్రూరంగా ప్రవర్తించాడు. పెంచుకుంటున్న పిల్లికి ఉరివేస్తూ టిక్‌టాక్‌ వీడియో తీయడంతో పోలీసులు అతన్ని అరెస్టు  చేశారు. పోలీసులు తెలిపిన వివరాల మేరకు.. తమిళనాడులోని తిరునెల్వేలి జిల్లా పళవూర్‌ పోలీసుస్టేషన్‌ పరిధిలోని చెట్టికుళానికి చెందిన తంగదురై పశువుల ఫామ్‌లో పని చేస్తున్నాడు. ఈ యువకుడు టిక్‌టాక్‌ యాప్‌ ఎక్కువగా వినియోగిస్తుంటాడని తెలిసింది. ఎక్కువ లైక్‌ల కోసం తన పెంపుడు పిల్లిని ఉరివేసి ఆ దృశ్యాలను టిక్‌టాక్‌ వీడియో తీశాడు. ఈ వీడియోను సామాజిక మాధ్యమాల్లో ఉంచాడు. దృశ్యాలు వైరల్‌ కావడంతో విషయం తిరునెల్వేలి జంతు హింస నివారణ అధికారులకు సమాచారం అందింది. వాళ్లు దీనిపై పళవూర్‌ పోలీసులకు ఫిర్యాదు చేశారు. తంగదురైని పోలీసులు అరెస్టు చేశారు.