Updated : 29/07/2020 01:17 IST

చెరపట్టబోయిన కుమారుడికి ఉరి

కళ్లలో కారం కొట్టి అంతమొందించిన తల్లి

బాపట్ల పట్టణం : చెట్టంత కుమారుడు. మత్తుకు బానిసయ్యాడు. పని మానేశాడు. భార్యాపిల్లలను వదిలేశాడు. తిండి లేకున్నా మద్యం కోసమే పరితపించేవాడు. తన రక్తమే కదాని... ఆ తల్లి క్షమించింది. కొట్టినా భరించింది. ఆకలి నుంచీ కాపాడుకుంది. కానీ... అతడు మృగంలా మారాడు. కన్నతల్లినే చెరపట్టాలని చూశాడు. అంతే... ఆ అమ్మ అపర కాళికైంది. అతని జీవితానికి మరణ శాసనం రాసింది. పోలీసుల కథనం ప్రకారం... గుంటూరు జిల్లా బాపట్ల మండలానికి చెందిన యువకుడికి (30) ఎనిమిదేళ్ల క్రితం వివాహమైంది. మద్యానికి బానిసై, రోజూ హింసిస్తుండటంతో భార్య తన ఇద్దరు బిడ్డలను తీసుకుని నాలుగేళ్ల క్రితమే పుట్టింటికి వెళ్లిపోయింది.

నాటి నుంచి అతని పోషణను తల్లే చూసుకుంటోంది. తాగడానికి డబ్బులివ్వాలని తరచూ కొడుతున్నా తల్లి సహించేది. ఇటీవల తీవ్రంగా కొట్టడంతో బంధువుల ఇంటికి వెళ్లింది. లాక్‌డౌన్‌ కారణంగా తన బిడ్డ తిండికి ఇబ్బంది పడుతున్నాడని తెలుసుకుని తిరిగొచ్చింది. సోమవారం ఇంట్లో నిద్రిస్తున్న ఆమెపై మద్యం మత్తులో ఉన్న ఆ దుర్మార్గుడు అఘాయిత్యం చేయబోయాడు. మొదట హతాశురాలైనా... వెంటనే తేరుకుని ప్రతిఘటించింది. కళ్లలో కారం కొట్టింది. చేతికి అందిన కావిడి తాడును అతని మెడకు బిగించి చంపేసింది. తాను ఎదుర్కొన్న క్షోభను డీఎస్పీ, గ్రామీణ సీఐలకు ఏడుస్తూ వివరిస్తున్న ఆమెను చూసి, స్థానికులూ కంటతడి పెట్టారు.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని