Rajasthan: భర్త ఎదుటే భార్యపై ముగ్గురు అత్యాచారం

బాడ్మెర్‌: భర్త ఎదుటే ఓ వివాహితపై ముగ్గురు యువకులు అత్యాచారానికి పాల్పడిన అమానుష ఘటన రాజస్థాన్‌లో చోటుచేసుకుంది. భార్యాభర్తలు బైక్‌పై వెళుతుండగా అడ్డగించిన దుండగులు ఈ దురాగతానికి పాల్పడినట్లు పోలీసులు గుర్తించారు. రాజస్థాన్‌ బాడ్మెర్‌కు చెందిన దంపతులు మంగళవారం బలోత్రాకు బైక్‌ మీద బయలుదేరారు. వీరిని మార్గమధ్యంలో నలుగురు దుండగులు అడ్డగించారు. నిందితుల్లో ఒకరు బాధిత మహిళ భర్త వాహనాన్ని తీసుకుని ఉడాయించారు. మిగిలిన ముగ్గురు ఆమె భర్తను తీవ్రంగా కొట్టారు. తర్వాత భార్యాభర్తలిద్దరినీ బలవంతంగా కారులో ఎక్కించారు. కారులో ఎక్కగానే ముగ్గురూ మహిళపై అత్యాచారానికి పాల్పడ్డారని పోలీసులు వివరించారు. ముగ్గురు నిందితులు కమ్తాయ్, బాబులాల్, నరేష్‌లను అరెస్టు చేసినట్లు బాడ్మెర్‌ పోలీసు సూపరింటెండెంట్‌ ఆనంద్‌ శర్మ తెలిపారు.