Crime News: ‘ఫేస్‌మాస్క్‌’తో కాపీయింగ్‌ యత్నం 

హింజేవాడి: పేస్‌మాస్క్‌ సాయంతో కాపీయింగ్‌కు పాల్పడేందుకు సిద్ధమైన ఓ అభ్యర్థి గుట్టురట్టు చేశారు మహారాష్ట్ర పోలీసులు. పింప్రి చించ్‌వాడ్‌లో ఆదివారం పోలీసు కానిస్టేబుల్‌ రిక్రూట్‌మెంట్‌ పరీక్షకు ఏర్పాట్లు చేశారు. కేంద్రం వద్ద తనిఖీ చేస్తున్న సమయంలో ఓ అభ్యర్థి పెట్టుకున్న మాస్క్‌లో ఎలక్ట్రానిక్‌ పరికరం ఉన్నట్లు పోలీసులు గుర్తించారు. పరిశీలిస్తుండగానే.. అతను పారిపోయాడు. మాస్క్‌తో పాటు అందులో ఉన్న సిమ్‌కార్డ్, మైక్, బ్యాటరీని స్వాధీనం చేసుకున్నారు. నిందితునిపై ‘మహారాష్ట్ర ప్రివెన్షన్‌ ఆఫ్‌ మాల్‌ ప్రాక్టీసెస్‌ చట్టం-1982’ ప్రకారం హింజేవాడి పోలీసులు కేసు నమోదు చేశారు.