Published : 24/11/2021 09:41 IST

Crime News: ముఖ రతి నేరమే.. తీవ్రమైనది కాదు!

దోషికి విధించిన శిక్షను పదేళ్ల నుంచి ఏడేళ్లకు తగ్గించిన అలహాబాద్‌ హైకోర్టు

అహ్మదాబాద్‌: చిన్నారులతో ముఖ రతిని అత్యంత తీవ్ర నేరంగా పరిగణించలేమని అలహాబాద్‌ హైకోర్టు తీర్పునిచ్చింది. సెషన్స్‌ కోర్టు దోషికి విధించిన 10ఏళ్ల జైలు శిక్షను 7 ఏళ్లకు తగ్గించింది. రూ.5,000 జరిమానా విధించింది. అయితే, ఇలాంటి నేరాలు శిక్షార్హమైనవేనని హైకోర్టు స్పష్టం చేసింది. బాలుడితో ముఖ రతి చేయించుకున్న వ్యక్తిని దోషిగా తేల్చిన సెషన్స్‌ కోర్టు పోక్సో చట్టంలోని సెక్షన్‌ 6, 10 ప్రకారం 10ఏళ్ల జైలు శిక్ష విధించింది. ఈ తీర్పును ముద్దాయి హైకోర్టులో సవాల్‌ చేశాడు. దీన్ని విచారించిన ధర్మాసనం ముఖ రతి నేరమే కానీ, అత్యంత తీవ్రమైనది కాదని పేర్కొంది. దీనికి పోక్సో చట్టంలోని సెక్షన్‌ 4 వర్తిస్తుందని, సెక్షన్‌ 6, 10 వర్తించవని చెప్పింది. ఈ సెక్షన్‌ ప్రకారం దోషికి కనీసంగా ఏడేళ్ల జైలు శిక్ష విధించింది. ఈ కేసు వివరాల ప్రకారం ఫిర్యాదుదారుడి ఇంటికి నిందితుడు వెళ్లాడు. అతని పదేళ్ల కుమారుడిని బయటకు తీసుకెళ్లి లైంగిక దాడికి పాల్పడ్డాడు. బాలుడు ఆ విషయాన్ని ఇంటి వద్ద ఉన్న పెద్దలకు తెలపడంతో వారు కేసు పెట్టారు. 

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని