విడాకులు తీసుకున్న మహిళలతో పెళ్లిళ్లు.. భర్తపై ఆరో భార్య ఫిర్యాదు

బెంగళూరు (మల్లేశ్వరం): విడాకులు తీసుకున్న మహిళలను ఎంచుకుని వారిని మళ్లీ పెళ్లి చేసుకుంటున్న తన భర్త సయ్యద్‌ అహ్మద్‌పై (32) చర్యలు తీసుకోవాలని నగర పోలీసు కమిషనర్‌ కమల్‌పంత్‌కు ఓ మహిళ ఫిర్యాదు చేశారు. సయ్యద్‌ను వివాహం చేసుకున్న అనంతరం అతనికి తాను ఆరో భార్యనని తెలిసిందని ఫిర్యాదులో పేర్కొన్నారు. మ్యాట్రిమోనీల్లో ప్రకటనలు ఇస్తున్న మహిళలనే గుర్తించి, వివాహం చేసుకుంటున్న తన భర్తపై చర్యలు తీసుకోవాలని ఆమె కోరారు. దూరవాణి నగరకు చెందిన సయ్యద్‌ తనను 2018 నవంబరు 15న వివాహం చేసుకున్నాడని, ఇప్పుడు మరో వివాహానికి ప్రయత్నిస్తున్నాడని బాధితురాలు ఆందోళన వ్యక్తం చేశారు.