Crime news: కరీంనగర్ జిల్లాలో ప్రియురాలిపై అత్యాచారం చేసి..హతమార్చిన ప్రియుడు

కరీంనగర్: ప్రేమించిన యువతిని ప్రియుడే అత్యాచారం చేసి హత్య చేసిన దారుణ ఘటన కరీంనగర్ జిల్లాలో వెలుగుచూసింది. జిల్లాకు చెందిన యువతి.. పోరండ్లకు చెందిన అఖిల్ కొంతకాలంగా ప్రేమించుకుంటున్నారు. పెళ్లి చేసుకుందామనుకున్నారు. కుటుంబసభ్యులు అంగీకరించకపోవడంతో.. పెద్దల సమక్షంలో పంచాయతీ నిర్వహించారు. యువతి, యువకుడు ఒకరికొకరు దూరంగా ఉండాలని పెద్దలు తీర్పునిచ్చారు. ఈ క్రమంలో ఈ నెల 2న అమ్మాయి కనిపించకుండా పోయింది. అఖిల్‌పై అనుమానంతో పోలీసులు అదుపులోకి తీసుకుని విచారించగా.. తానే అత్యాచారం చేసి హత్య చేసినట్లు అంగీకరించాడు. చెంజర్ల శివారులో యువతిని చంపిన చోటుకు పోలీసులను తీసుకెళ్లాడు. పూర్తిగా కుళ్లిపోయి, దారుణ స్థితిలో ఉన్న కుమార్తె మృతదేహాన్ని చూసి తల్లిదండ్రులు బోరున విలపించారు.

► Read latest Crime News and Telugu News