Crime News: బంగారం విడిపించమంటే.. భార్యనే కడతేర్చాడు

కుదువపెట్టిన బంగారం విడిపించాలని పదేపదే అడిగిన భార్యను హతమార్చిన భర్త ఉదంతం ఎన్టీపీసీ సమీపంలోని సంజయ్‌గాంధీనగర్‌లో చోటుచేసుకుంది. స్థానికులు, పోలీసులు తెలిపిన వివరాల ప్రకారం..

Updated : 13 Apr 2022 07:59 IST

రెండ్రోజులకు వెలుగుచూసిన హత్యోదంతం

జ్యోతినగర్‌(కరీంనగర్‌), న్యూస్‌టుడే : కుదువపెట్టిన బంగారం విడిపించాలని పదేపదే అడిగిన భార్యను హతమార్చిన భర్త ఉదంతం ఎన్టీపీసీ సమీపంలోని సంజయ్‌గాంధీనగర్‌లో చోటుచేసుకుంది. స్థానికులు, పోలీసులు తెలిపిన వివరాల ప్రకారం.. మూడేళ్ల క్రితం సంజయ్‌గాంధీనగర్‌కు చెందిన సుందరగిరి రాజేష్‌ ఎలిగేడుకు చెందిన రక్షితను ప్రేమ వివాహం చేసుకున్నాడు. గతంలో భూపాలపల్లిలో పనిచేసిన కాలంలో రాజేష్‌కు అప్పులు ఎక్కువయ్యాయి. ఇటీవల ఇక్కడికి వచ్చి గోదావరిఖని అడ్డగుంటపల్లిలో కుల వృత్తి చేసుకుంటూ కుటుంబాన్ని పోషిస్తున్నాడు. ఈ క్రమంలో రాజేష్‌కు అప్పులు మరింత పెరిగిపోయాయి. అప్పులు తీర్చడానికి కొంతకాలం క్రితం తన భార్య రక్షిత(25) అలియాస్‌ కల్పన వద్ద ఉన్న 5 తులాల బంగారాన్ని కుదువపెట్టి డబ్బు తెచ్చుకొన్నాడు. పుట్టింట్లో శుభకార్యం ఉండటంతో ఇటీవల బంగారం విడిపించి తేవాలని రక్షిత పదేపదే కోరింది. ఈ క్రమంలో ఆదివారం రాత్రి ఇద్దరి మధ్య ఘర్షణ జరిగింది. ఈ ఘర్షణలో ఇంట్లో ఉన్న స్క్రూడ్రైవర్‌తో రక్షితను గొంతులో పొడిచి హతమార్చాడు. ఇంటికి తాళం వేసి పరారయ్యాడు. మంగళవారం ఉదయం ఇంట్లో నుంచి వాసన రావడంతో సమీప కాలనీవాసులు పోలీసులకు సమాచారం ఇచ్చారు. పోలీసులు పరిశీలించగా హత్యోదంతం బయటకు వచ్చింది. రక్షితకు రెండేళ్ల కుమారుడు ఉండగా, నిందితుడు రాజేష్‌ పరారీలో ఉన్నట్లు పోలీసులు తెలిపారు. సంఘటన స్థలాన్ని ఏసీపీ గిరిప్రసాద్‌, రామగుండం సీఐ లక్ష్మీనారాయణ, ఎస్సైలు స్వరూప్‌రాజ్‌, కుమార్‌, శరణ్య, లక్ష్మీప్రసన్న పరిశీలించారు. మృతురాలి తల్లి స్వరూప ఫిర్యాదు మేరకు కేసు నమోదు చేసి విచారణ చేస్తున్నట్లు పోలీసులు తెలిపారు.

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని