Crime News: నిజాంసాగర్‌ బ్యాక్‌వాటర్‌లో మూడు మృతదేహాలు..

కామారెడ్డి :  కామారెడ్డి జిల్లాలో విషాదం చోటుచేసుకుంది. నిజాంసాగర్‌ బ్యాక్‌ వాటర్‌లో మూడు మృతదేహాలు అనుమానాస్పందగా లభించాయి. ఎల్లారెడ్డి మండలం మౌలాన్‌ఖేడ్‌ వద్ద ఈ ఘటన చోటుచేసుకుంది. మృతులను హైదరాబాద్‌ సూరారానికి చెందిన లింగమ్మ(40), సామిక(9), తీన(7)గా గుర్తించారు. ఈ నెల 5న శుభకార్యం కోసం కూతురితో కలిసి లింగమ్మ ఎల్లారెడ్డికి వచ్చింది. శుభకార్యం తర్వాత ముంభోజిపేట్‌లోని తమ్ముడి నివాసానికి వెళ్లింది. అయితే.. అదే సమయంలో గతంలో అప్పుగా తీసుకున్న వడ్డీ డబ్బులు ఇస్తానని లింగమ్మతో సోదరి చెప్పింది. ఆ తర్వాత లింగమ్మ, ఆమె కూతరు తీనతోపాటు తమ్ముడి కూతురైన సామికను ఆటోలో తీసుకెళ్లింది. ఈ నేపథ్యంలో గ్రామ సమీపంలోని నిజాంసాగర్‌ బ్యాక్‌ వాటర్లో వీరి మృతదేహాలు కనిపించాయి. దీంతో ఈ ఘటనలో అక్కపై బంధువులు అనుమానం వ్యక్తం చేస్తున్నారు. పోలీసులు కేసు నమోదు చేసి దర్యాప్తు చేపట్టారు.