Crime News: సినీ నటిని వేధించిన నిందితుడి అరెస్ట్
తెలుగు సినీ పరిశ్రమలో పేరున్న నటి. స్టార్మేకర్స్ యాప్ ద్వారా ఆమె ఫోన్ నంబరు సేకరించాడో ప్రబుద్ధుడు. ఆమెకు అసభ్య పదజాలంతో వాయిస్ మేసేజ్లు పంపాడు. కొద్దిరోజుల తర్వాత ఫోన్ చేసి ఆమె ఫొటోలు
2 నెలల్లో 319 మంది ఆకతాయిలకు సైబరాబాద్ పోలీసుల కౌన్సెలింగ్
ఈనాడు, హైదరాబాద్, న్యూస్టుడే, రాయదుర్గం: తెలుగు సినీ పరిశ్రమలో పేరున్న నటి. స్టార్మేకర్స్ యాప్ ద్వారా ఆమె ఫోన్ నంబరు సేకరించాడో ప్రబుద్ధుడు. ఆమెకు అసభ్య పదజాలంతో వాయిస్ మేసేజ్లు పంపాడు. కొద్దిరోజుల తర్వాత ఫోన్ చేసి ఆమె ఫొటోలు తన వద్ద ఉన్నాయని, వాటిని మార్ఫింగ్ చేసి సామాజిక మాధ్యమాల్లో ఉంచుతానంటూ బెదిరించాడు. తాను చెప్పినట్టు నడుచుకోవాలంటూ మరోవేదనకు గురిచేశాడు. వాట్సాప్ ద్వారా బాధితురాలు షీటీమ్స్కు ఫిర్యాదు చేయటంతో మాదాపూర్ షీటీమ్స్ ఆ యువకుడిని గుర్తించి రాయదుర్గం పోలీసులకు అప్పగించారు. కేసు నమోదు చేసిన పోలీసులు నిందితుడిని అరెస్ట్ చేసి రిమాండ్కు తరలించారు.
డెకాయ్ ఆపరేషన్స్..: సైబరాబాద్ షీటీమ్స్ డెకాయ్ ఆపరేషన్స్ ద్వారా మహిళలను వేధిస్తున్న ఆకతాయిలకు ముకుతాడు వేశారు. అధికశాతం బాధితులు లైంగిక వేధింపులకు గురైన వారే ఉన్నారు. మార్చి, ఏప్రిల్ నెలల్లో వాట్సాప్, హాక్ ఐ, ఈమెయిల్ తదితర మాధ్యమాల ద్వారా బాధితుల నుంచి 355 ఫిర్యాదులు అందినట్టు సైబరాబాద్ డీసీపీ (షీ టీమ్స్) అనసూయ శనివారం తెలిపారు. అధికంగా వాట్సాప్ ద్వారా 269 ఫిర్యాదులు వచ్చాయన్నారు. వీరిలో ఫోన్ వేధింపులు 141 ఉన్నట్టు చెప్పారు. 81 కేసుల్లో 18 క్రిమినల్ కేసులు నమోదు చేశారు. 119 మందిని పద్ధతి మార్చుకోమంటూ హెచ్చరించారు. 319 మంది ఆకతాయిలకు కుటుంబ సభ్యుల సమక్షంలో కౌన్సెలింగ్ ఇచ్చారు. ఇందులో మైనర్లు 98, 19-24 వయస్కులు 112, 25-35 ఏళ్ల వారు 92, 36-50 మధ్య 17 మంది ఉన్నారు. 7 బాల్య వివాహాలను అడ్డుకున్నారు. 2 నెలల వ్యవధిలో 1003 డెకాయి ఆపరేషన్, 834 అవగాహన కార్యక్రమాలు నిర్వహించారు. వేధింపులపై డయల్ 100, వాట్సాప్ నంబర్ 94906 17444 కు ఫిర్యాదు చేయాలని డీసీపీ సూచించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం