పాత కక్షల నేపథ్యంలోనే హత్య!
గన్నవరం మండలం తెంపల్లి శివారు బల్లిపర్రులో కలకలం రేపిన గుర్తుతెలియని వ్యక్తి మృతదేహం ఆచూకీ శనివారం లభించింది. పోలీసుల కథనం మేరకు వివరాలు ఇలా ఉన్నాయి.. బల్లిపర్రు వద్ద పోలవరం కుడి కాలువ సమీపంలో రెండ్రోజుల నుంచి
బల్లిపర్రు ఘటనలో మృతుడి ఆచూకీ లభ్యం
గన్నవరం గ్రామీణం, న్యూస్టుడే: గన్నవరం మండలం తెంపల్లి శివారు బల్లిపర్రులో కలకలం రేపిన గుర్తుతెలియని వ్యక్తి మృతదేహం ఆచూకీ శనివారం లభించింది. పోలీసుల కథనం మేరకు వివరాలు ఇలా ఉన్నాయి.. బల్లిపర్రు వద్ద పోలవరం కుడి కాలువ సమీపంలో రెండ్రోజుల నుంచి విపరీతమైన దుర్వాసన వెలువడుతుండడాన్ని రైతులు, స్థానికులు గమనించి ఆత్కూరు పోలీసులకు సమాచారమిచ్చారు. వారు ఘటనా స్థలిలో తవ్వించగా, గుర్తుతెలియని వ్యక్తి మృతదేహం లభ్యమైన విషయం తెలిసిందే. ఇతన్ని హత్యచేసి, పూడ్చినట్టు అనుమానం వ్యక్తం చేసిన ఎస్సై కిశోర్ బృందం తొలుత అదృశ్యం కేసులను ఆరా తీశారు. తోట్లవల్లూరు మండలం భద్రిరాజుపాలేనికి చెందిన పుచ్చకాయల వెంకటశ్రీనివాసరెడ్డి(39) ఈనెల 20వ తేదీ నుంచి కనిపించడం లేదని గుర్తించిన పోలీసులు.. ఆయన కుటుంబసభ్యులకు సమాచారమిచ్చారు. వారు వచ్చి పరిశీలించి, ఆ మృతదేహం అతనిదేనని నిర్ధారించారు. పోస్టుమార్టం అనంతరం మృతదేహాన్ని కుటుంబ సభ్యులకు అందజేసిన పోలీసులు హత్యకుగల కారణాలను విశ్లేషించే పనిలో నిమగ్నమయ్యారు.
అన్ని కోణాల్లో దర్యాప్తు
స్థిరాస్తి వ్యాపారం చేసే వెంకటశ్రీనివాసరెడ్డి మొదట్నుంచి వివాదాస్పదుడేనని పోలీసులు తెలిపారు. గతంలో ఆయన తండ్రి కూడా హత్యకు గురవగా.. ఆ కేసులో నిందితులను శ్రీనివాసరెడ్డి కిరాయి గూండాలతో హత్యచేయించినట్టు ఆరోపణలున్నాయని చెప్పారు. ఆ కేసులో ఇటీవల జైలు జీవితాన్ని కూడా శ్రీనివాసరెడ్డి అనుభవించినట్టు తెలిపారు. మరోవైపు స్థలాలు, పొలాల విక్రయం అనంతరం సకాలంలో రిజిస్ట్రేషన్లు చేయకుండా పార్టీలను వేధించేవాడని పేర్కొన్నారు. ఆయనకు రూ.కోటి మేర అప్పు ఉందని, అప్పిచ్చిన వారికి సైతం సకాలంలో చెల్లింపులు చేయకుండా వేధింపులకు గురిచేస్తున్నట్లు గుర్తించామన్నారు. వివాహేతర సంబంధాల కారణంగా పలువురితో వివాదమున్నట్టు చెప్పారు. శ్రీనివాసరెడ్డి భార్య, కుమారుడు విజయవాడలో నివసిస్తుండగా, ఆయన మాత్రం భద్రిరాజుపాలెంలోనే ఉంటారని తెలిపారు. ఈ ఘటనపై కేసు నమోదుచేసిన పోలీసులు పాత కక్షలతోనే ఈ హత్య జరిగి ఉంటుందని భావిస్తున్నారు. అన్ని కోణాల్లో దర్యాప్తు చేపట్టి నిందితులెవరో తేలుస్తామని వారు పేర్కొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
సీఎం జగన్పై గులకరాయి కేసులో అరెస్టయి రిమాండ్లో ఉన్న నిందితుడు సతీష్ కుమార్ను కస్టడీకి అనుమతిస్తూ విజయవాడ కోర్టు ఆదేశాలు జారీ చేసింది. -
ప్రమాదవశాత్తు పేలిన ఏకే 47.. సీఆర్పీఎఫ్ అసిస్టెంట్ కమాండెంట్ మృతి
ప్రమాదవశాత్తు తుపాకీ పేలడంతో సీఆర్పీఎఫ్కు చెందిన అసిస్టెంట్ కమాండెంట్ శేషగిరిరావు మృతిచెందారు. -
శివబాలకృష్ణ అక్రమాస్తుల కేసులో ముగ్గురి అరెస్ట్
హెచ్ఎండీఏ మాజీ డైరెక్టర్ శివబాలకృష్ణ అక్రమాస్తుల కేసులో అనిశా మరో ముగ్గురిని అరెస్టు చేసింది. ఆయన ఆస్తులకు బినామీలుగా ఉన్న వ్యాపారులు గోదావర్తి సత్యనారాయణమూర్తి(62), పెంట భరత్కుమార్(30), ప్రైవేటు ఉద్యోగి పెంట భరణికుమార్(30)ను వ్యవహరిస్తున్నట్లు గుర్తించింది. -
నూడుల్స్ ప్యాకెట్లలో వజ్రాలు
నూడుల్స్ ప్యాకెట్లలో దాచిపెట్టిన వజ్రాలు, ప్రయాణికుల శరీర భాగాల్లో, బ్యాగేజీలో ఉంచి అక్రమంగా తరలిస్తున్న బంగారాన్ని ముంబయి విమానాశ్రయంలో కస్టమ్స్ విభాగం స్వాధీనం చేసుకుంది. -
వైకాపా నాయకుడి ఇంట్లో 384 మద్యం సీసాలు
శ్రీకాకుళంలోని కత్తెరవీధికి చెందిన వైకాపా నాయకుడు పైడి మహేశ్వరరావు నివాసంలో దాచి ఉంచిన 384 మద్యం సీసాలను టాస్క్ఫోర్స్ పోలీసులు మంగళవారం స్వాధీనం చేసుకున్నారు. -
ఇంట్లోకి దూసుకెళ్లిన బస్సు.. నలుగురికి గాయాలు
ముందు వెళ్తున్న వాహనాన్ని ఓవర్ టేక్ చేయబోయిన బస్సు అదుపుతప్పి ఓ ఇంట్లోకి దూసుకెళ్లిన ఘటన సూర్యాపేట జిల్లా మునగాలలో మంగళవారం తెల్లవారుజామున జరిగింది. -
అప్పుల బాధతో దంపతుల ఆత్మహత్యాయత్నం
అప్పుల ఊబిలో కూరుకుపోయిన ఆ దంపతులు వాటిని తీర్చే దారిలేక ఆత్మహత్యాయత్నానికి పాల్పడగా భర్త మృతి చెందారు. ఈ విషాదకర ఘటన పెద్దపల్లి జిల్లా ముత్తారం మండలం పారుపల్లిలో జరిగింది. -
యూసఫ్గూడలో రోడ్డు ప్రమాదం.. యువతిపై బస్సు ఎక్కడంతో మృతి
హైదరాబాద్ నగరంలోని యూసఫ్గూడలో మంగళవారం రాత్రి రోడ్డు ప్రమాదం జరిగింది. ఈ ఘటనలో ఒక యువతిపై బస్సు ఎక్కడంతో తీవ్రగాయాలతో ఆమె మృతిచెందింది.