పురుగుల మందు పిచికారీతో అస్వస్థత

చికిత్స పొందుతూ మృతి

నీరడి పోశెట్టి

బీర్కూర్‌, న్యూస్‌టుడే: పురుగుల మందు పిచికారీ చేస్తూ తీవ్ర అస్వస్థతకు గురై యువకుడు మృతి చెందిన సంఘటన కిష్టాపూర్‌లో చోటుచేసుకొంది.హెడ్‌కానిస్టేబుల్‌ నంద తెలిపిన వివరాల ప్రకారం..కిష్టాపూర్‌కు చెందిన నీరడి పోశెట్టి (31)  వ్యవసాయ కూలి. గత నెల 29న గంగారాం పొలానికెళ్లి పురుగుల మందు పిచికారీ చేస్తుండగా తుంపరలు ముఖం, శరీరంపై పడి తీవ్ర అస్వస్థతకు గురయ్యాడు. చికిత్స నిమిత్తం అతన్ని తొలుత బాన్సువాడ ప్రాంతీయ ఆసుపత్రికి , అక్కడి నుంచి నిజామాబాద్‌  తరలించారు. శనివారం అర్ధరాత్రి చికిత్స పొందుతూ మృతి చెందాడు. ఆదివారం పంచనామా చేసి మృతదేహాన్ని బంధువులకు అప్పగించారు. మృతునికి ముగ్గురు ఆడపిల్లలున్నారు.భార్య రాజమణి ఇచ్చిన ఫిర్యాదు మేరకు కేసు నమోదు చేశారు.