Fake Currency: యూట్యూబ్‌లో చూసి కరెన్సీ తయారీ: ఐదుగురి అరెస్టు

యూట్యూబ్‌లో చూసి నకిలీ కరెన్సీ తయారు చేయడం నేర్చుకున్న వ్యక్తులు వాటిని చలామణి చేసేందుకు యత్నిస్తూ పోలీసులకు చిక్కారు. మైలార్‌దేవ్‌పల్లి ఠాణా పరిధిలో జరిగిన ఘటన వివరాలను మంగళవారం రాజేంద్రనగర్‌ ఏసీపీ కార్యాలయంలో ఏసీపీ గంగాధర్‌రెడ్డి, మైలార్‌దేవ్‌పల్లి సీఐ మధు విలేకరులకు వివరించారు.

Published : 06 Oct 2022 01:36 IST


నకిలీ కరెన్సీ చూపుతున్న ఏసీపీ గంగాధర్‌, పక్కన సీఐ మధు

రాజేంద్రనగర్‌, న్యూస్‌టుడే: యూట్యూబ్‌లో చూసి నకిలీ కరెన్సీ తయారు చేయడం నేర్చుకున్న వ్యక్తులు వాటిని చలామణి చేసేందుకు యత్నిస్తూ పోలీసులకు చిక్కారు. మైలార్‌దేవ్‌పల్లి ఠాణా పరిధిలో జరిగిన ఘటన వివరాలను మంగళవారం రాజేంద్రనగర్‌ ఏసీపీ కార్యాలయంలో ఏసీపీ గంగాధర్‌రెడ్డి, మైలార్‌దేవ్‌పల్లి సీఐ మధు విలేకరులకు వివరించారు. నల్గొండ జిల్లా నాంపల్లి మండలం, గౌరారానికి చెందిన బ్యాగరి అడమ్‌(38) వనస్థలిపురంలో ఉంటూ లారీ డ్రైవర్‌గా పనిచేస్తున్నాడు. అతని స్నేహితులు మరో ఇద్దరు డ్రైవర్లు బి.భరత్‌కుమార్‌(35), బి.శంకర్‌(42)లు కలిసి తేలికగా డబ్బు సంపాదించాలనే ఆలోచన చేశారు. అడమ్‌ సూచన మేరకు ముగ్గురు కలిసి యూట్యూబ్‌లో నకిలీ కరెన్సీ తయారు చేసే విధానాన్ని నేర్చుకున్నారు. ప్రింటర్‌ ద్వారా తేలికగా తయారు చేయొచ్చని భావించారు. వారికి సహకరించడానికి నల్లకుంటలో స్టేషనరీ దుకాణం నిర్వహించే ఎం.మాధవగౌడ్‌, వనస్థలిపురానికి చెందిన స్టాంపు పేపర్లు విక్రయించే వి.వీర వెంకటదుర్గ మణికంఠం నాయుడి సహకారం అడిగారు. అంతాకలిసి నకిలీ రూ.500, 200, 100 నోట్లను తయారు చేశారు. లక్ష రూపాయలు విలువచేసే కరెన్సీని మార్కెట్లో చలామణి చేయడానికి అడమ్‌, భరత్‌కుమార్‌, శంకర్‌లు కాటేదాన్‌కు వచ్చారు. నోట్లను మార్చేందకు ప్రయత్నిస్తుండగా మైలార్‌దేవ్‌పల్లి పోలీసులు, మాదాపూర్‌ ఎస్వోటీ పోలీసులు విశ్వసనీయ సమాచారం మేరకు సంయుక్తంగా దాడిచేసి పట్టుకున్నారు. వారి నుంచి లక్ష రూపాయల నకిలి కరెన్సీ స్వాధీనం చేసుకున్నారు.

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని