కటకటాల్లోకి నిత్య పెళ్లికొడుకు

నిందితుడితో పాడేరు పోలీసులు

పాడేరు, న్యూస్‌టుడే: ఒకరికి తెలియకుండా మరొకరిని మనువాడుతూ.. ఇలా నాలుగు వివాహాలు చేసుకున్న ఓ నిత్య పెళ్లికొడుకును పోలీసులు శనివారం అరెస్టు చేశారు. పాడేరు సీఐ సుధాకర్‌ కథనం ప్రకారం.. డుంబ్రిగుడ మండలం చెలిమరవలస గ్రామానికి చెందిన కొర్రా దామోదర్‌(37), పాడేరులోని సుండ్రుపుట్టులో నివాసముంటున్నాడు. నాలుగు పెళ్లిళ్లు చేసుకుని ఒకరికి తెలియకుండా మరొకరితో రహస్యంగా కాపురం చేస్తున్నాడు. ఈ క్రమంలో తన నాలుగో భార్యతో సన్నిహితంగా ఉన్న సమయంలో ఆమెకు తెలియకుండా వీడియో చిత్రీకరించాడు. ఈ వీడియోను తన స్నేహితులకు వాట్సాప్‌ ద్వారా పంపాడు. ఈ విషయం తెలుసుకున్న నాలుగో భార్య పాడేరు పోలీసులకు ఫిర్యాదు చేశారు. పోలీసులు అతడిని అదుపులోకి తీసుకుని విచారించగా అసలు బాగోతం బయటపడింది.