Crime News: ప్రియురాలిని వేధించాడని ప్రిన్సిపల్‌ని చంపేశాడు

తన ప్రియురాలిని వేధించాడనే కోపంతో పాఠశాల ప్రిన్సిపల్‌ తలపై సుత్తితో కొట్టి దారుణంగా హత్య చేసిన ఘటన ఛత్తీస్‌గఢ్‌లో జరిగింది. బిలాస్‌పుర్‌కు చెందిన ఉపేంద్ర కౌశిక్‌ అనే యువకుడు ఓ యువతితో ప్రేమలో ఉన్నాడు. ఆ యువతిని ప్రదీప్‌ (61) అనే స్థానిక ఓ పాఠశాలకు చెందిన ప్రిన్సిపల్‌ వేధింపులకు గురిచేస్తున్నాడు. ఇది తెలిసి గురువారం రాత్రి ఇంటికి వెళ్తున్న ప్రదీప్‌ను కౌశిక్‌ వెంబడించాడు. అతడి ఇంటి గేటు వద్ద వాగ్వాదానికి దిగాడు. తర్వాత అతడి తలపై సుత్తితో మోది హతమార్చాడు. పోలీసులు నిందితుడిని విచారించగా.. ప్రదీప్‌ తన ప్రియురాలిని వేధింపులకు గురిచేసేవాడని అందుకే అతడిని హత్య చేశానని అంగీకరించాడు.